Hechos

4 Y taq yeqʼax wä äl chpan jun tinamït, nkitzjoj wä qa chkë ri qachʼalal achkë xkichaʼ xkiʼän ri apóstoles chqä ri ukʼwäy taq bʼey ri ye kʼo wä Jerusalén, rchë ke riʼ nkismajij. 5 Y rma xkiʼän riʼ, ri ye kʼo chkipan ri congregaciones xkʼuqeʼ más kikʼuʼx chpan ri rchʼaʼäl Dios chqä más xekʼiyär. 9 Chpan ri aqʼaʼ riʼ, Pablo xtzʼët jun visión: jun achï aj Macedonia ri paʼäl wä chwäch ryä chqä najin wä nutäj rqʼij chrij kikʼë re tzij reʼ: «Katampä aweʼ Macedonia y kojatoʼ». 10 Kan xa xuʼ xtzʼët ri visión, xqakanuj rbʼanik rchë xqbʼä Macedonia, rma xqʼalajin chqawäch chë yë Dios xskʼin qchë rchë nqabʼetzjoj ri utziläj taq rtzjol chriʼ. 14 Jun ixöq ri Lidia rbʼiʼ, najin wä nqrkʼoxaj. Ryä aj Tiatira, yerkʼayij wä tzyäq color morado chqä nuyaʼ wä rqʼij Dios. Jehová xtoʼ re ixöq reʼ rchë xyaʼ rxkïn che rä ri najin wä nuʼij Pablo. 15 Taq Lidia chqä ri ye kʼo pa rachoch xeqasäx yän pa yaʼ, ryä xuʼij chqë: «Si rïx nitzʼët chë rïn kan ütz yitzʼet rma Jehová, kixampä rchë yixkanaj qa chwachoch». Y röj xqkanaj qa rkʼë rma kan xtäj rqʼij chqij. 22 Y ri winäq xekatäj pä chkij. Rma riʼ ri yesamäj pa qʼatbʼäl tzij xkirëtz rtzyaq Pablo chqä Silas y chrij riʼ xkiʼij chkë nkʼaj achiʼaʼ chë kekichʼayaʼ kikʼë cheʼ. 23 Taq kowan xechʼay yän, xeyaʼöx pacheʼ y xbʼix che rä ri chajinel chë kerchajij rchë ma yeʼanmäj ta äl. 24 Taq xbʼix riʼ che rä, ri chajinel xeryaʼ chpan ri cárcel ri kʼo qa chuxeʼ jay y xjuʼ kaqän chpan kaʼiʼ cheʼ. 25 Y jbʼaʼ ma nkʼaj aqʼaʼ, Pablo chqä Silas najin wä yechʼö qʼanäj rkʼë Dios chqä najin wä yebʼixan rchë nkiyaʼ rqʼij, y ri ye kʼo pacheʼ najin wä yekikʼoxaj.