1 Samuel

10 Y ri achï riʼ, ri aj Filistea, xuʼij chik: «¡Re qʼij reʼ yïn petenäq rchë nbʼän chʼaʼoj kikʼë ri soldados aj Israel! ¡Titaqaʼ pä jun isoldado rchë nqaʼän chʼaʼoj rkʼë!». 34 David xuʼij kʼa reʼ che rä Saúl: «Wajaw, yïn yiyuqʼun kichë rkarneʼl ntataʼ. Kʼo jun qʼij jun köj xkʼwaj äl jun chkë ri karneʼl y jun chik qʼij jun oso xbʼanö riʼ. 35 Rïn xibʼä chkij y xenqasaj pan ilew, ke riʼ xinwesaj äl ri karneʼl pa kichiʼ. Taq xepë chwij, xinchäp chë kismal, xenqasaj pan ilew y xenkamsaj. 37 Y David chqä xuʼij: «Jehová, ri xikolö pa rqʼaʼ ri león chqä ri oso, ryä chqä xkikolö pa rqʼaʼ le filisteo laʼ». Rma riʼ, Saúl xuʼij che rä David: «Jät kʼa, y yë ta kʼa Jehová xtjeʼ awkʼë». 42 [...] xa xtzeʼen chrij chqä xchäp ryoqʼik. 45 David xuʼij kʼa che rä ri filisteo: «Rït yït petenäq rkʼë jun espada, jun lanza chqä rkʼë jun jabalina rchë naʼän chʼaʼoj wkʼë. Ye kʼa rïn yichʼeyon awkʼë pa rbʼiʼ Jehová, ri Dios ri ukʼwayon bʼey chkiwäch ri soldados rchë Israel, ri xapabʼaʼ awiʼ rït chwäch. 46 Re qʼij reʼ Jehová xkaturyaʼ pa nqʼaʼ; rïn xkatinchʼäk chqä xtinwesaj ajolon. Re qʼij reʼ xtinyaʼ kichʼakul ri soldados filisteos chkë ri chköp chqä chkë ri ajxikʼ taq chköp. Y jontir winäq xtkitamaj chë kʼo jun Dios pa Israel. 47 Y jontir ri ye kʼo aweʼ xtkitamaj chë ma rkʼë ta espada o lanza nkolon wä Jehová, rma ri chʼaʼoj pa rqʼaʼ Jehová kʼo wä, y ryä xkixryaʼ jontir rïx pa qaqʼaʼ röj».