2 Timoteo

3 Kan yityoxin che rä Dios —ri nyaʼ rqʼij kan achiʼel xkiʼän ri watiʼt nmamaʼ, y nbʼän riʼ rkʼë jun chʼajchʼöj nconciencia— y ronojel mul yanatäj chwä taq yichʼö rkʼë Dios paqʼij chë chaqʼaʼ. 5 Rma nnatäj chwä chë kantzij kʼo akʼuqbʼäl kʼuʼx, ri xkʼüt naʼäy Loida, ri awatiʼt, chqä Eunice, ri ateʼ, y kan ntaman chë rït chqä kʼo ya riʼ awkʼë. 6 Rma riʼ, nnataj äl chawä chë achiʼel nbʼan rkʼë jun qʼaqʼ taq nyaʼöx rchqʼaʼ ke riʼ chqä tabʼanaʼ rkʼë ri spanïk xyaʼ Dios chawä taq xinyaʼ nqʼaʼ pan awiʼ. 7 Rma Dios ma xyaʼ ta ri loq’oläj rchq’a’ chqë rchë nqaxi’ij qi’, xa rchë nje’ qach’qa’, nqjowan chqä pa rb’eyal nqch’ob’on. 13 Ma tayaʼ ta qa kisamajxik ri kantzij taq naʼoj ri xakʼoxaj wkʼë rïn y ronojel mul takʼuqbʼaʼ akʼuʼx chqä kajowan; xkakowin xtaʼän riʼ we jnan xtuʼän awäch rkʼë Cristo Jesús. 14 Rkʼë rtoʼik ri loqʼoläj rchqʼaʼ Dios ri yaʼon pä pa qawiʼ, tachajij re bʼeyomäl reʼ ri yaʼon qa pan aqʼaʼ. 16 Tjyowaj ta kʼa kiwäch ri Ajaw ri ye kʼo pa rachoch Onesíforo, rma ryä chaq taqïl xkʼuqbʼaʼ nkʼuʼx y ma xkʼïx ta rma yïn kʼo pacheʼ. 17 Pa rkʼexel riʼ, taq kʼo wä Roma, ryä xtäj rqʼij rchë xirkanuj kʼa taq xirwïl. 18 Yë ta kʼa ri Ajaw ttoʼ rchë chë xtjyowäx ta rwäch rma Jehová chpan ri qʼij riʼ. Ya ataman chik achkë toʼïk xyaʼ chlaʼ Éfeso.