Salmos

12 Nimaläj Jehová, kinakoloʼ, rma majun ta chik jun winäq ri ma yeryaʼ ta qa rchiʼil; ya xekʼis ri winäq ri kan ütz nakʼuqbʼaʼ akʼuʼx chkij. 5 Ya reʼ nuʼij Jehová: «Rïn xkentoʼ ri winäq ri najin nkitäj poqän rma yaʼon kʼayewal pa kiwiʼ chqä ri najin yebʼison rma ma kan ta achkë kʼo kikʼë; rïn xkenköl pa kiqʼaʼ ri winäq ri itzel kinaʼoj nkiʼän kikʼë». 6 Rtzij Jehová kan ye chʼajchʼöj; kan ye achiʼel ta plata ri qʼaxan chik pa jun horno ri bʼanon rkʼë ilew chqä 7 mul bʼanon chik chʼajchʼöj che rä. 7 Nimaläj Jehová, rït xkeʼachajij ryeʼ; kan kikʼë re sol winäq reʼ xtachäp äl kichajixik chkijujnal chqä majun bʼëy xtayaʼ ta qa rbʼanik riʼ. 8 Ri itzel taq winäq xa bʼa akuchï ye kʼo wä, rma ri winäq nkiʼän chkë ri nkʼaj chik rchë kan nqʼax rwiʼ ri itzelal nkiʼän.