Isaías

53 ¿Achkë komä rkʼuqbʼan rkʼuʼx chrij ri nqatzjoj? [...] 3 Xok jun achï ri kan itzel xtzʼet kimä ri winäq chqä majun xrajoʼ xrachbʼilan rchë, [...]. Ri winäq kan jkʼan chik yetzuʼun wä äl rchë ma nkitzʼët ta rachbʼäl. Ryä kan itzel xtzʼet kimä ri winäq, y kan majun ta rqʼij xqaʼän che rä. 4 Ryä xkʼwaj äl ri yabʼil kʼo chqij y xrejqaj äl ri tyowen nqanaʼ. Tapeʼ ke riʼ, röj xa xqaʼij chë yë Dios najin nyaʼö pä kʼayewal pa rwiʼ, najin nuʼän chë nutöj rmak chqä najin nuʼän chë nutäj poqän. 5 Ye kʼa ryä xchʼik rchʼakul xa rma qamak röj; kowan xtäj poqän xa qmä röj. Ryä xerköchʼ ri kʼayewal rchë röj jnan nuʼän qawäch rkʼë Dios; y rma ri sokotajïk xrïl, röj xqqʼomäx. 12 Rma riʼ, xtinyaʼ jbʼaʼ rbʼeyomal chkikojöl ye kʼïy, y ryä xtyaʼ jbʼaʼ ri bʼeyomäl riʼ chkë ri kʼo uchqʼaʼ pa kiqʼaʼ, rma xbʼiyïn rkikʼel kʼa taq xkäm y kan achiʼel ta jun aleqʼon xtzʼetetäj; ryä kan xkʼwaj äl kimak ye kʼïy winäq, y kan xtzjon pa kiwiʼ ri ajmakiʼ.