Juan

8 12 Chrij riʼ, Jesús xuʼij chik ya reʼ chkë: «Rïn yïn ri saqïl ri kʼo chkikojöl ri winäq. Ri winäq ri nuʼän ri nbʼän rïn majun bʼëy xtjeʼ ta pa qʼequʼn, xa xtjeʼ ri saqïl rkʼë ri nuyaʼ kʼaslemal». 16 Y, xa ta rïn nqʼät tzij, nqʼät ta tzij kan achiʼel nuʼij Rchʼaʼäl Dios; rma rïn ma nyonïl ta yïn kʼo, ri Ntataʼ, ri xitaqö pä, kʼo wkʼë. 28 Rma riʼ, Jesús xuʼij: «Taq xtitzeqebʼaʼ ri Rkʼajol ri Achï, ya riʼ taq xtitamaj chë kantzij ri najin nbʼij chwij rïn y chë majun ta nbʼän ri xa pa nyonïl, xa xuʼ nbʼij ri rkʼutun ri Ntataʼ chi nwäch. 29 Y ri xitaqö pä kʼo wkʼë; ryä ma yiryaʼon ta qa nyonïl, rma rïn ronojel mul nbʼän ri nqä chwäch ryä». 31 [...] «We kan xtiʼän ri xinkʼüt chiwäch, xtqʼalajin chiwij chë kantzij yïx ntzeqelbʼëy; 32 chqä xtitamaj ri kantzij, y ri kantzij xkixurköl». 36 Rma riʼ, we yë ri Rkʼajol Dios yixkolö, kantzij na wä chë xkixkolotäj. 42 Jesús xuʼij: «Xa ta yë Dios Itataʼ, rïx yiniwajoʼ ta rïn, rma yë Dios xitaqö pä y rma riʼ yïn kʼo aweʼ. Ma yïn ta rïn ri xichʼobʼö yipë, xa kan yë ryä xitaqö pä. 44 Rïx yïx ralkʼwal ri Diablo, y niwajoʼ niʼän ri nrajoʼ itataʼ. Ryä yerkamsan pä ri winäq kan xa xuʼ taq xtzʼük tzij chrij Dios, y ma xrajoʼ ta chik xersmajij ri kantzij taq naʼoj, rma ri naʼoj riʼ ma ye kʼo ta pa ran. Ryä nutzʼük tzij rma kan ke riʼ rnaʼoj, chqä jun ajtzʼuküy tzij chqä kitataʼ ri yetzʼukü tzij. 47 Ri winäq ri rchë Dios nukʼoxaj ri rtzij Dios. Rma riʼ rïx ma yinikʼoxaj ta rma rïx ma yïx rchë ta Dios». 56 Abrahán, ri itataʼ rïx, kan kowan xel rkʼuʼx taq xchʼöbʼ chë xtbʼertzʼetaʼ na ri qʼij ri xkipë rïn, y kan xtzʼët y kan xel rkʼuʼx».