Salmos

4 Rma rït, nimaläj Jehová, ayaʼon kiʼkʼuxlal pa wan rma ri nimaläj taq abʼanobʼal; kan kiʼ nkʼuʼx nräq nchiʼ rma ronojel ri abʼanon qa. 5 ¡Kan jaʼäl ronojel ri abʼanon qa, nimaläj Jehová! ¡Kan janina nüm ri achʼobʼonik! 12 Ye kʼa ri jïk kikʼaslemal kan xkesijan achiʼel jun palmera chqä kan xkekʼïy achiʼel ri cedros ri ye kʼo pa Líbano. 13 Ryeʼ yetkon qa pa rachoch Jehová y yesijan chwäch rachoch ri qaDios. 14 Tapeʼ xkerjïx, kʼa jaʼäl na xkewachin; ma xtkʼis ta kichqʼaʼ chqä kan kʼuqül kikʼuʼx xketzuʼun 15 chqä xtkitzjoj chë Jehová kan jïk rbʼey. Yë ryä wabʼäj ri akuchï ntoʼ wä wiʼ, ryä kan pa rbʼeyal nuʼän che rä jontir.