2 Reyes

13 Jehová xertäq jontir rprofetas chqä jontir achiʼaʼ ri yekitzʼët visiones rchë xuʼij reʼ chkë ri aj Israel chqä aj Judá: «¡Tiyaʼ qa ri bʼey ikʼwan! Tismajij ri nbʼin chiwä chqä jontir ri pixaʼ nyaʼon chiwä ri tzʼibʼatäl chpan ri pixaʼ ri xinyaʼ chkë iwatiʼt imamaʼ, ri xyaʼöx chkë kimä ri nprofetas». 14 Ye kʼa ryeʼ ma xkinmaj ta tzij. Kan jnan kinaʼoj xkiʼän rkʼë katiʼt kimamaʼ, ri ma xkikʼuqbʼaʼ ta kikʼuʼx chrij Jehová kiDios. 24 Chrij riʼ, ri qʼatöy tzij rchë Asiria xerkʼäm pä winäq aj Babilonia, aj Cutá, aj Avá, aj Hamat chqä aj Sefarvaim, y xeryaʼ chkipan ri tinamït ye kʼo Samaria pa kikʼexel ri israelitas. Ryeʼ xeʼok apü Samaria y xejeʼ chkipan ri tinamït ye kʼo chriʼ. 33 Rma riʼ, nkiyaʼ wä rqʼij Jehová, ye kʼa nkiyaʼ wä chqä kiqʼij ri tyox ri nyaʼöx wä kiqʼij chkipan ri tinamït ri akuchï ye petenäq wä.