Salmos

3 Kan kowan nchʼpü nkʼuʼx, rma riʼ, nkʼutuj reʼ chawä Jehová: ¿kʼa ajän xtjalatäj ri najin nqʼaxaj? 6 Rïn ya xqʼitäj wan chë oqʼej; chöj jun aqʼaʼ nxqʼebʼaʼ nchʼat rkʼë ryiʼal nwäch; rma kowan yinoqʼ, nwar·äl achiʼel ta rmïl pa yaʼ. 7 Ri nwäch ya xekos rma oqʼej; ma kan ta kowan chik yetzuʼun xa kimak jontir ri winäq ri itzel nkinaʼ chwä. 8 Ma kixjelun ta pä wkʼë, jontir rïx ri niʼän ri itzelal, rma Jehová xtkʼoxaj woqʼej. 9 Jehová kan xtkʼoxaj ri xtinkʼutuj che rä; Jehová kan xtkʼül ri nchʼonik.