2 Corintios

7 Chijujnal rïx kan tyaʼ ri achkë naläx pa ran, ma rkʼë ta kaʼiʼ rkʼuʼx nixta rma nchaqtiʼïx, rma Dios kan nrajoʼ ri winäq ri kan kiʼ rkʼuʼx nuyaʼ ri achkë kʼo rkʼë. 11 Rïx najin nyaʼöx kʼïy utzil pan iwiʼ, rchë ke riʼ nikanuj rbʼanik rchë yixspan. Y rma röj nqakʼwaj äl re spanïk reʼ, nkʼaj chik yetyoxin che rä Dios. 12 Rma re samaj reʼ ma xa xuʼ ta najin nbʼan rchë nyaʼöx ri nkʼatzin chkë ri ralkʼwal Dios, xa kan ya riʼ chqä rbʼanik nqakʼüt chë nqtyoxin che rä Dios. 13 Rchë ke riʼ ryeʼ xtkiyaʼ rqʼij Dios, rma re samaj reʼ ri najin nbʼan nukʼüt chë rïx najin nismajij ri ütz taq rtzjol ri nitzjoj chrij ri Cristo chqä chë ma nikʼekʼej ta yeʼitoʼ ryeʼ chqä jontir winäq. 14 Y taq ryeʼ xkechʼö qʼanäj rkʼë Dios pan iwiʼ rïx, kan xtkiʼij chë rä chë kowan yixkajoʼ, rma ri nimaläj joyowanïk rkʼutun Dios chiwäch rïx.