Eclesiastés

3 Che rä ronojel kʼo jun tiempo yaʼon; kʼo jun tiempo chkë jontir samaj ri yebʼan chuxeʼ ri kaj: 4 jun tiempo rchë yatoqʼ y jun tiempo rchë yatzeʼen; jun tiempo rchë yabʼison y jun tiempo rchë yaxajö; 6 jun tiempo rchë nqakanuj xa bʼa achkë jun y jun tiempo rchë nqayaʼ qa rkanuxik riʼ; [...] 7 jun tiempo rchë nqarëtz xa bʼa achkë jun y jun tiempo rchë nqtʼisoʼn; jun tiempo rchë majun nqaʼij ta y jun tiempo rchë nqtzjon; 8 Jun tiempo rchë nqjowan y jun tiempo rchë itzel nqanaʼ che rä jun chik; jun tiempo rchë nbʼan chʼaʼoj y jun tiempo rchë majun ta chʼaʼoj. 11 Ryä kan jaʼäl chqä kan pa rqʼijul rbʼanon qa jontir. Kan ryaʼon qa pa kan ri winäq chë majun bʼëy yekäm ta; tapeʼ ke riʼ, ri winäq majun bʼëy xtkitamaj ta jontir ri rbʼanon qa ri kʼaslïk Dios. 12 Xqʼalajin chi nwäch chë majun ta jun ri más ütz nbʼanatäj pa kikʼaslemal ryeʼ chwäch ri kiʼ kikʼuʼx nkiʼän chqä nkiʼän ri ütz pa kikʼaslemal; 13 chqä chë ryeʼ yewaʼ, yekʼuyaʼ chqä kiʼ kikʼuʼx nkiʼän rkʼë jontir ri nkikʼül rma ri kisamaj. Ya riʼ kan jun spanïk ryaʼon pä Dios. 20 Jontir yetzolin akuchï xeʼel wä pä. Rkʼë poqlaj xebʼan wä y xkebʼeʼok chik jmul poqlaj.