Juan

13 Ye kʼa, taq jbʼaʼ nrajoʼ rchë nbʼan ri Pascua, Jesús ya rtaman wä chik chë xbʼeqä ri qʼij rchë ntzolin rkʼë Rtataʼ chlaʼ chkaj. Rma riʼ, rma kan xerajoʼ ri rchiʼil ri ye kʼo chwäch le Rwachʼlew, ryä kan xerajoʼ kʼa taq xkäm. 2 Najin wä nkiʼän ri waʼin y ri Diablo ya ryaʼon wä chik pa ran Judas Iscariote, ri rkʼajol Simón, chë tkʼayij Jesús. 3 Rma riʼ Jesús, rma rtaman wä chik chë Rtataʼ xyaʼ jontir pa rqʼaʼ y chë kan rkʼë Dios petenäq wä chqä chë kan rkʼë Dios xttzolin wä äl, 4 xkatäj äl chrij ri mesa, xresaj ri tzyäq ri kʼo chwiʼ rteleʼn chqä xkʼän apü jun rkʼaj tzyäq y xxïm chuxeʼ rpan. 5 Chrij riʼ, xyaʼ apü yaʼ chpan jun kʼojlibʼäl y xchʼäj kaqän ri rtzeqelbʼëy chqä xsuʼ kaqän rkʼë ri rkʼaj tzyäq ri rxmon wä chuxeʼ rpan. 12 Y taq xchʼäj yän kʼa kaqän chqä xksaj yän kʼa rtzyaq, ryä xbʼeraqʼeʼ chik jmul chrij ri mesa chqä xuʼij chkë: «¿Xqʼax chiwäch ri xinbʼän iwkʼë? 13 Rïx niʼij ‹Tijonel› chqä ‹Ajaw› chwä, y kantzij ri niʼij rma kan ke riʼ wä. 14 Rma riʼ, we rïn yïn Ajaw chqä Tijonel, ye kʼa xinchʼäj iwaqän, rïx chqä tichʼajalaʼ iwaqän chiwäch. 15 Rma rïn xinyaʼ qa ri tzʼetbʼäl chiwäch, chë achiʼel xinbʼän rïn iwkʼë rïx, ke riʼ chqä tibʼanaʼ rïx. 17 We rïx itaman ronojel riʼ, kiʼ ikʼuʼx we xtiʼän. 21 Taq xuʼij yän jontir reʼ, Jesús xsach rkʼuʼx y xuʼij: «Kantzij nbʼij chiwä chë kʼo jun chiwä rïx xkirkʼayij pa kiqʼaʼ ri winäq». 26 Jesús xuʼij: «Ya riʼ ri achoq che rä xtinyaʼ wä ri jwechʼ kaxlanwäy ri xtinmubʼaʼ apü». Y, taq xmubʼaʼ yän ri kaxlanwäy, xyaʼ apü che rä Judas, ri rkʼajol Simón Iscariote. 34 Nyaʼ re jun kʼakʼakʼ pixaʼ reʼ chiwä: tiwajowalaʼ iwiʼ chiwäch; achiʼel wä yixinjowan pä rïn, ke riʼ chqä tibʼanaʼ rïx, tiwajowalaʼ iwiʼ chiwäch. 35 Ke riʼ xtqʼalajin chkiwäch jontir chë rïx yïx ntzeqelbʼëy, we xtiwajowalaʼ iwiʼ chiwäch». 38 Jesús xuʼij che rä: «¿Rït xtayaʼ ri akʼaslemal wmä rïn? Kantzij nbʼij chawä chë ri äkʼ ma xtskʼin ta, kʼa taq xaʼij yän oxiʼ mul chë ma ataman ta nwäch».