2 Corintios

6 Y rma röj nqtoʼon rkʼë ryä, nqajoʼ nqaʼij chiwä chë we nikʼän ri utzil nutzüj Dios chiwä ri ma taqäl ta chiwij nikʼül, kan ma tiqasaj ta rqʼij. 2 Rma ryä nuʼij: «Xatinkʼoxaj taq kiʼ nkʼuʼx awkʼë chqä xatintoʼ chpan ri qʼij taq xakolotäj». ¡Komä yoj kʼo chpan ri tiempo taq Dios kiʼ rkʼuʼx rbʼanon qkʼë! ¡Komä ya riʼ ri qʼij rchë nqkolotäj! 3 Rma majun ta jun ri najin nqaʼän rchë kʼo ta jun ntzaq xa qmä röj, rchë ke riʼ majun ta jun itzelal nilitäj chpan ri samaj yaʼon qa pa qawiʼ rma Dios. 4 Pa rkʼexel riʼ, röj nqakʼüt chë yoj rsamajelaʼ Dios rkʼë ronojel ri nqaʼän: taq nqkochʼon tapeʼ kʼo poqonal, taq majun ta qkʼë ri nkʼatzin chqë, taq kʼo kʼayewal, 11 Wachʼalal aj Corinto, ma qaxiʼin ta qiʼ qabʼin chiwä ri nqaquʼ chqä kan qabʼin chiwä ri kʼo pa qan. 12 Röj ma najin ta nqaqʼät ri nqanaʼ chiwij rïx, ye kʼa rïx xa najin niqʼät ri iwajowabʼäl ri ninaʼ chqij röj. 13 Rma riʼ, —yitzjon iwkʼë achiʼel nuʼän jun tataʼaj kikʼë ralkʼwal— kojiwajoʼ achiʼel yixqajoʼ röj y kan rkʼë ronojel iwan keʼiwajoʼ ri nkʼaj chik. 14 Ma jnan ta tbʼanaʼ iwäch kikʼë ri ma nkinmaj ta chrij Cristo. Rma ¿rkʼwan komä riʼ ri ütz rkʼë ri ma ütz ta? ¿O kʼo komä jun ri nbʼanö chë ri saqïl jnan rkʼë ri qʼequʼn? 17 «Rma riʼ kixel pä chkikojöl ryeʼ chqä ma tiyüj ta chik iwiʼ kikʼë —ya riʼ nuʼij Jehová— y ma tichäp ta chik ri ma chʼajchʼöj ta», «y rïn xkixinkʼül». 18 «‹Rïn xkinok Itataʼ rïx, y rïx xkixok walkʼwal›, ya riʼ nuʼij Jehová, ri kʼo ronojel uchqʼaʼ pa rqʼaʼ».