Proverbios

2 Chkiwäch ri winäq, kan ütz jontir ri yekiʼän, ye kʼa Jehová kan nutzʼët achkë rma yekiʼän riʼ. 3 Tayaʼ pa rqʼaʼ Jehová jontir ri nawajoʼ naʼän, ke riʼ ütz xkabʼä pa akʼaslemal. 4 Jehová rbʼanon chë jontir ntoʼon rchë nbʼanatäj ri nrajoʼ ryä; rbʼanon chë ri itzel winäq napon chpan ri qʼij ri xtpë kʼayewal. 5 Jehová itzel yertzʼët jontir ri nkinaʼ kiʼ. [...] 6 Ri winäq ri najowan chqä ma yeryaʼ ta qa ri nkʼaj chik kan nkyun, ye kʼa we rït naxiʼij awiʼ chwäch Jehová ma xtaʼän ta ri ma ütz ta. 18 Ri winäq ri kowan nunaʼ riʼ xa xtrïl kʼayewal, y ri nunaʼ chë kowan rqʼij kʼo xa xtpë kʼayewal chrij. 20 Ri winäq ri nuksaj rnaʼoj taq kʼo jun nuʼän o kʼo jun nusöl kan ütz xtuʼän chwäch y ri nukʼuqbʼaʼ rkʼuʼx chrij Jehová kiʼ rkʼuʼx xtuʼän. 22 Ri kitaman ri winäq ri kan kʼo kinaʼoj achiʼel jun pons yaʼ (poza) ri nuyaʼ kikʼaslemal, ye kʼa ri winäq ri majun ta kinaʼoj xa yë ryeʼ yekanun qa kʼayewal chkij rma majun ta kinaʼoj. 23 Ri winäq ri kan kʼo rnaʼoj nuʼän chë ri nkʼaj chik kan nqʼax chkiwäch ri nuʼij chkë chqä nuʼän chë kan nkinmaj ri yeruʼij. 31 Ri rsmal rwiʼ jun winäq ri säq chik rjolon kan achiʼel ta jun jaʼäl corona taq ryä rkʼwan jun jïk kʼaslemal. 32 Más ütz jun achï ri ma chanin ta npë ryowal chwäch jun achï ri kowan rchqʼaʼ, y ri nkowin nuqʼät ryowal chwäch ri nchʼäk jun tinamït.