Proverbios

4 Ma takamsaj ta awiʼ rchë nawïl bʼeyomäl. Naʼäy kachʼobʼon na, ke riʼ xtakʼüt chë kʼo anaʼoj. 5 Rma ri bʼeyomäl, taq natzʼët, xa nkʼis äl, kan achiʼel ta ntel rxikʼ achiʼel jun xik chqä kan nbʼä äl chkaj. 15 Walkʼwal, we rït xtjeʼ anaʼoj, rïn kan kiʼ nkʼuʼx xtinbʼän. 16 Ri wan kan xtnaʼ kowan kiʼkʼuxlal taq jontir ri yeʼaʼij kan chöj. 17 Ma tarayij ta ri nkiʼän ri itzel taq winäq, pa rkʼexel riʼ xa taxiʼij awiʼ chwäch Jehová ronojel qʼij, 20 Ma kajeʼ ta chkikojöl ri kan nqʼax rwiʼ vino nkiqüm ni chkikojöl ri kan nqʼax rwiʼ yewaʼ, 21 rma ri qʼabʼarel chqä ri kan nqʼax rwiʼ nwaʼ, xa xkejeʼ pa mebʼaʼïl, y rma xa xuʼ waran nkiʼän xa retzeräq taq tzyäq xtkiksaj. 22 Tanmaj rtzij ri atataʼ, ri xbʼanö chawä chë xataläx, y ma itzel ta tanaʼ che rä ri ateʼ xa rma chë xrjïx yän. 23 Taloqʼoʼ ri kantzij y ma takʼayij ta äl, chqä ri naʼoj, ri pixabʼanïk y ri etamabʼäl. 24 Ri rtataʼ jun winäq ri jïk rkʼaslemal kan kiʼ rkʼuʼx xtuʼän; ri rtataʼ jun winäq ri kan kʼo rnaʼoj kan xtnaʼ kiʼkʼuxlal rma ryä. 25 Ri ateʼ chqä atataʼ kan kiʼ kikʼuʼx xtkiʼän y ateʼ kan janina kiʼkʼuxlal xtnaʼ.