«Tpë kʼa ri Aqʼatbʼäl Tzij»

Jehová rtzjun ya reʼ: «Ma xtjeʼ ta chik oqʼej, tyowen, yabʼil nixta kamïk. Xtinsuʼ ryiʼal rnaqʼ iwäch. Ma xtnatäj ta chik chiwä ri ma ütz ta xiqʼaxaj ojer».

Jehová xeryaʼ Adán y Eva chpan ri jardín de Edén rchë kiʼ kikʼuʼx nkiʼän. Ryeʼ kʼo wä chë nkiyaʼ rqʼij Jehová, ri Qatataʼ, chqä yejeʼ kʼïy kalkʼwal rchë nkinujsaj le Rwachʼlew. Adán y Eva ma xkinmaj ta rtzij Jehová. Pero ryä ma rjalon ta ri nrajoʼ nuʼän. Chpan re libro reʼ xqatamaj chë Dios kan nuʼän ri nutzüj. Ri Rqʼatbʼäl Tzij kan kʼïy ütz xtkʼäm pä pa rwiʼ le Rwachʼlew, y ke riʼ rbʼanik xttzʼaqät ri xtzüj che rä Abrahán.

Xa jbʼaʼ chik apü, ma xtjeʼ ta chik Satanás, ri demonios nixta ri itzel taq winäq. Jontir yë Jehová xtkiyaʼ rqʼij. Ma xtqyawäj ta chik nixta xtqkäm chik. Ronojel qʼij, kiʼ qakʼuʼx xtnaʼ riʼ qawäch chqä kan xtuʼij riʼ qan xtqaʼän xa bʼa achkë jun. Le Rwachʼlew xtbʼeʼok jun paraíso. Jontir xtjeʼ jaʼäl qachoch chqä xtjeʼ kʼïy rkïl qaway. Ryon ütz taq winäq xkejeʼ. Ri chköp ma xtkixiʼij ta chik kiʼ chqawäch, nixta röj xtqaxiʼij qiʼ chkiwäch.

Kan xttel qakʼuʼx taq xtqatzʼët chë Jehová xkerkʼasoj pä ri kamnaqiʼ. Xkeqakʼül apü winäq achiʼel Abel, Noé, Abrahán, Sara, Moisés, Rut, Ester chqä David. Ryeʼ xkojkitoʼ rchë xtqaʼän chë le Rwachʼlew xtbʼeʼok jun paraíso. Ronojel mul kʼo kʼïy xtqaʼän ri kan xtqä chqawäch.

Jehová nrajoʼ chë rït yajeʼ chpan ri Paraíso. Chriʼ, kʼïy xtqatamaj chrij Dios ri majun bʼëy qaquʼun ta rij. Rma riʼ, qjelun más rkʼë Jehová. ¡Tqabʼanaʼ riʼ komä chqä xa bʼa jaruʼ jnaʼ xkeqʼax!