Ri xtqatzʼët chpan ri peraj 11

Chpan re peraj reʼ xtqachäp rtzʼetik ri Escrituras Griegas Cristianas. Xtqatzʼët chë Jesús xaläx rkʼë jun familia ri ma bʼeyon ta chqä chë xsamäj rkʼë rtataʼ, ri carpintero wä. Yë wä Jesús xtkolö kichë ri winäq. Jehová xchaʼ ryä rchë nbʼeʼok Rey chpan Rqʼatbʼäl Tzij. Si rït yït teʼej o tataʼaj, keʼatoʼ ri akʼalaʼ rchë nqʼax chkiwäch chë Jehová xchaʼ na achkë familia nuyaʼ wä Jesús rchë ütz rwäch nkʼïy qʼanäj. Taʼij chkë chë Jehová xchajij Jesús taq Herodes xrajoʼ xkamsaj. Majun ta jun nqʼatö Jehová rchë nuʼän ri nrajoʼ. Takʼutuʼ chkiwäch chë Jehová xchaʼ Juan rchë nuʼän apü rbʼanik rbʼey Jesús. Taʼij chkë chë, tapeʼ kʼa akʼal na, Jesús nuloqʼoqʼej wä chik ri Rchʼaʼäl Jehová, y nukʼuqbʼaʼ wä rkʼuʼx chrij Dios y ma chrij ta ryä.