Ri raqän yaʼ xbʼiqʼ rma ri ulew

Ri junaʼ yeqʼaxnäq pä, ri qʼatbʼäl taq tzij kʼïy mul kitoʼon pä ri rutinamit Jehová (Esd 6:1-12; Est 8:10-13). Komä qatzʼeton chë le Ruwachʼulew, ntel che tzij ri qʼatbʼäl taq tzij, achiʼel ta kibʼiqʼon ri tijöj poqonal ri njnamäx rkʼë jun raqän yaʼ ri yaʼon pa kiwiʼ ri rusamajelaʼ Dios. Ronojel riʼ yë Satanás, ri dragón, nyaʼö pä rchë (Ap 12:16). Jehová, ri Dios rchë ri kolotajïk, kʼïy mul rubʼanon chkë ri qʼatbʼäl taq tzij rchë kitoʼon ri rutinamit (Sl 68:20; Pr 21:1).

Ye kʼa, we rït yït tzʼapäl pacheʼ xa rma ri akʼuqbʼäl kʼuʼx, tayaʼ chwäch awan chë Jehová najin yaruchajij (Gé 39:21-23; Sl 105:17-20). Y rma riʼ, ryä xtyaʼ kʼïy utzil pa awiʼ. Chqä rma kuw yït paʼäl chwäch ri kʼayewal, riʼ xtkowirsaj ri kikʼuqbʼäl kʼuʼx ri qachʼalal chwäch jontir Ruwachʼulew (Flp 1:12-14; Ap 2:10).

TAQ XATZʼËT YÄN RI VIDEO RI QACHʼALAL AJ COREA XEʼELESÄX PÄ PACHEʼ, KEʼAQʼALAJSAJ RE KʼUTUNÏK REʼ:

• ¿Achkë rma kʼïy junaʼ xetzʼapïx pacheʼ pa mil chkë ri qachʼalal chlaʼ Corea del Sur?

• ¿Achkë chʼobʼoj xkiʼän ri qʼatbʼäl taq tzij ri xtoʼon chë ye kʼo qachʼalal xeʼelesäx pä pacheʼ taq majanä wä tbʼekʼis ri tiempo ri qʼaton wä chkij?

• ¿Achkë rubʼanik yeqatoʼ ri qachʼalal ri ye kʼo chwäch jontir Ruwachʼulew ri yetzʼapin pacheʼ xa rma ri kikʼuqbʼäl kʼuʼx?

• We röj ma yoj tzʼapin ta pa cheʼ komä, ¿achkë ütz nqaʼän?

• ¿Achkë kʼo chë nyaʼöx ruqʼij rma chë ri rutinamit Jehová chʼakonäq chkij ri qʼatbʼäl taq tzij?