Jontir winäq xa xuʼ wä jun chʼaʼäl yetzjon

11:1-4, 6-9

Chlaʼ Babel, Jehová xuʼän chë ri itzel taq winäq xkikraj äl kiʼ y xsüqʼ kichʼaʼäl chkiwäch. Ye kʼa komä, Jehová najin yerumöl jontir winäq ri jalajöj kitinamit chqä kichʼaʼäl, y najin nukʼüt «jun chʼajchʼöj chʼaʼäl» chkiwäch rchë nkinataj rubʼiʼ y junan nuʼän kiwäch rchë nkiyaʼ ruqʼij (Sof 3:9; Ap 7:9). Ri «jun chʼajchʼöj chʼaʼäl» riʼ, achiʼel nuʼij le Biblia, ya riʼ ri kantzij chrij Jehová chqä chrij ruchʼobʼoj.

Rchë natamaj jun kʼakʼakʼ chʼaʼäl ma xa xuʼ ta nkʼatzin yekʼaseʼ jojun tzij pa ajolon, chqä nkʼatzin natamaj najäl ri rubʼanik yachʼobʼon. Ke riʼ chqä chrij ri natamaj yatzjon ri «chʼajchʼöj chʼaʼäl», kʼo chë njalatäj ri achʼobʼonik (Ro 12:2). Rchë chë ri rusamajelaʼ Dios junan nuʼän kiwäch, nkʼatzin chë ronojel qʼij nkitjoj kiʼ chrij ri kʼakʼakʼ chʼaʼäl (1Co 1:10).