Q-ok precursores rchë nqayaʼ más ruqʼij Jehová

Ri israelitas kʼo wä kʼïy rma rchë xkiyaʼ ruqʼij Jehová. Jojun rma ya riʼ chë ryä xeresaj pä pa Egipto chqä xeruköl pa kiqʼaʼ ri ru-soldados faraón (Éx 15:1, 2). Jehová najin na yeruʼän utziläj taq bʼanobʼäl pa ruwiʼ ri rutinamit. ¿Achkë rubʼanik nqatyoxij ronojel riʼ che rä? (Sl 116:12).

Jun rubʼanik, ya riʼ taq nqatäj qaqʼij rchë nq-ok precursores auxiliares o regulares. Tqaʼij che rä Jehová chë ma xa xuʼ ta tuʼän chë nqarayij nq-ok precursores, chqä chë tyaʼ qachqʼaʼ rchë nqkowin nqaʼän riʼ (Flp 2:13). Ye kʼïy qachʼalal naʼäy nkichäp rkʼë ri precursorado auxiliar. Chkipan ri ikʼ marzo, abril o taq napon ri ukʼwäy bʼey rchë circuito pa qa-congregación, ütz nqaʼän ri precursorado rchë 30 o 50 horas. Taq xqanaʼ yän ri kiʼkʼuxlal nuyaʼ ri precursorado auxiliar, rkʼë jbʼaʼ xtqajoʼ xtq-ok precursores regulares. Chqä ye kʼo jojun qachʼalal, tapeʼ yesamäj ronojel qʼij o kilon jun yabʼil, ye oknäq precursores regulares (mwb16.07-S 8). Kantzij na wä, Jehová taqäl chrij rchë nqaʼän jontir ri kʼo pa qaqʼaʼ rchë nqayaʼ ruqʼij (1Cr 16:25).

TAQ XATZʼËT YÄN RI VIDEO OXIʼ QACHʼALAL IXOQIʼ AJ MONGOLIA, KEʼAQʼALAJSAJ RE KʼUTUNÏK REʼ:

• 

  ¿Achkë kʼayewal xkiqʼaxaj re qachʼalal reʼ rchë xekowin xeʼok precursoras?

• 

  ¿Achkë utzil ruyaʼon Dios pa kiwiʼ?

• 

  Rma ryeʼ ye precursoras, ¿achkë chik nkʼaj samaj xyaʼöx chkë chpan ri rutinamit Dios rchë xekowin xkiyaʼ más ruqʼij Jehová?

• 

  ¿Achkë xkajoʼ xkiʼän ri nkʼaj chik rma ri tzʼetbʼäl xkiyaʼ ryeʼ chkiwäch?