Ma tqayaʼ ta qa kiksaxik ri revistas

Kan pa junaʼ 2018, ri revistas ri nqajäch chkë ri winäq, xa xuʼ chik chrij jun tema yetzjon wä. Jontir re revistas reʼ, ye kʼo chpan ri qasamajbʼal rchë nqayaʼ tjonïk, rma riʼ ütz yeqaksaj taq nqatzjoj le Biblia. Chqä ütz nqakʼwaj äl jojun revistas qkʼë taq nqbʼä pa kʼaybʼäl o taq nqbʼä pa jun chik tinamït. Ri revistas ma yebʼanon ta pä rchë nqayaʼ kitjonik ri winäq, ye kʼa nkiʼän chkë chë nkirayij nkitamaj más ruwäch Dios.

Taq xkatzjon rkʼë jun winäq, taskʼij apü jun texto chwäch chqä tatzjoj apü jun tema rchë jun revista che rä ri rkʼë jbʼaʼ xtqä chwäch. Jun tzʼetbʼäl, we ri winäq kʼo ru-familia, o najin nbʼison o xa nchʼpü rukʼuʼx, rït ütz naʼij reʼ che rä: «Majanäj ta xinskʼij ruwäch jun wuj ri ntzjon chrij riʼ. ¿Nawajoʼ nkʼüt chawäch?». We natzʼët chë ri winäq kan nuyaʼ ruxkïn chawä, ütz nayaʼ qa ri revista che rä o natäq äl pa ru-celular. Ütz naʼän reʼ tapeʼ kʼa riʼ naʼäy mul yatzjon rkʼë jun winäq. Röj ma xa xuʼ ta nqajoʼ nqajäch publicaciones, ye kʼa ri revistas yojkitoʼ rchë yeqïl winäq ri nkajoʼ nkinmaj rutzij Dios (Hch 13:48).

2018

2019

2020