Keqatzʼetaʼ ri ixoqiʼ ri ye rijtaʼq chik achiʼel ta ye qateʼ y ri qʼopojiʼ achiʼel ta ye qanaʼ

Le Biblia nuʼij chë keqatzʼetaʼ ri qachʼalal achiʼaʼ ri kʼo chik kijunaʼ achiʼel ta ye qatataʼ y ri kʼojolaʼ achiʼel ta ye qachʼalal (taskʼij ruwäch 1 Timoteo 5:1, 2). Ye kʼa janina ruqʼij chë ri achiʼaʼ ma nkiqasaj ta kiqʼij ri qachʼalal ixoqiʼ chqä chë ütz kinaʼoj nkiʼän kikʼë.

Jun qachʼalal achï majun bʼëy xtuʼän ta chë jun qachʼalal ixöq ma ütz ta xtnaʼ xa rma ri rubʼanik nutzuʼ o nunäq apü (Job 31:1). Chqä majun bʼëy xtkʼüt ta chwäch jun qachʼalal ixöq ri ma kʼlan ta chë achiʼel ta nrajoʼ, ye kʼa xa ma ruchʼobʼon ta ntok rukʼlaj.

Ri ukʼwäy taq bʼey kʼo chë nkiyaʼ kixkïn chkë ri qachʼalal ixoqiʼ ri kan pa rubʼeyal nkiʼän jun kʼutunïk chkë, o taq ri qachʼalal riʼ nkiʼij chkë chë kʼo jun nkʼatzin nsol pa congregación. Ryeʼ chqä kʼo chë kan ütz kinaʼoj nkiʼän kikʼë ri qachʼalal ixoqiʼ ri majun ta jun kikʼlaj ri ntoʼö kichë (Rut 2:8, 9).

TAQ XATZʼËT YÄN RI VIDEO TQAKʼUTUʼ PA CONGREGACIÓN RI AJOWABʼÄL RI MAJUN BʼËY XTKʼIS TA: CHKIWÄCH RI MALKANIʼ CHQÄ RI MEBʼAʼIʼ, KEʼAQʼALAJSAJ RE KʼUTUNÏK REʼ:

• 

  ¿Achkë rubʼanik xkikʼüt ri qachʼalal chë kowan nkajoʼ ri qachʼalal Myint?

• 

  Rma ri qachʼalal xkikʼüt chë yajowan, ¿achkë rubʼanik xtoʼon riʼ rchë ri winäq ütz xetzjon chrij rutinamit Jehová?

• 

  ¿Achkë rubʼanik xerutoʼ ral ri qachʼalal Myint ri xtkitzʼët chë ri qachʼalal kowan yekajoʼ?

¿Achkë rubʼanik nakʼüt rït chë yachʼpü chkij ri qachʼalal ixoqiʼ ri ye kʼo pan a-congregación?