RI QAKʼASLEMAL RÖJ RI CRISTIANOS
Tachajij awiʼ rkʼë ri yeʼarayij
Rma xa yoj ajmakiʼ, nkʼatzin nqachajij qiʼ rkʼë ri yeqarayij. We ma xtqaʼän ta riʼ, rkʼë jbʼaʼ xa xtchaʼ chiʼ qachbʼilanïk rkʼë Jehová. Ye kʼo jojun xa más nkajoʼ kachoch, kiway o kitzyaq chwäch Dios. Ye kʼo chik jojun yekiʼän tzʼil taq bʼanobʼäl tapeʼ Ruchʼaʼäl Dios nuʼij chë ma ütz ta (Ro 1:26, 27). Y jojun chik nkiʼän ri nkajoʼ ri nkʼaj chik xa xuʼ rchë yeʼok kichiʼil (Éx 23:2).
¿Achkë xtqtoʼö rchë xtqachajij qiʼ rkʼë ri yeqarayij? Kʼo chë nqatäj qaqʼij rchë nqayaʼ qan chrij ri yeqä chwäch Jehová (Mt 4:4). Chqä kʼo chë nqaʼij che rä Jehová chë tqrtoʼ pä rchë nqkowin nqachajij qiʼ chkiwäch ri yeqarayij. ¿Achkë rma? Rma ryä retaman achkë más ütz chqë röj chqä retaman achkë rubʼanik nuyaʼ pä chqë ri nqarayij (Sl 145:16).
TAQ XATZʼËT YÄN RI VIDEO MA TAYAʼ TA QʼIJ CHË RI SIKʼ YATURTZʼLAʼ, KEʼAQʼALAJSAJ RE KʼUTUNÏK REʼ:
¿Achkë rma yeskʼan jojun winäq?
¿Achkë rkʼë jbʼaʼ xtbʼanatäj qkʼë we nqskʼan?
¿Achkë rma ma ütz ta yaskʼan o najïkʼ ruxlaʼ sikʼ rkʼë jun sikʼ ri kʼo ru-batería? (2Co 7:1).
¡Rït yakowin nayaʼ qa ri raynïk chrij ri sikʼ!
¿Achkë xkatoʼö rchë ma nakʼän ta apü re itzel bʼanobʼäl reʼ o rchë nayaʼ qa rubʼanik?