Katok precursor

Taq kʼo jun nqayaʼ chqawäch nqaʼän chpan rutinamit Jehová, riʼ nqrtoʼ rchë kan pa rubʼeyal xtqaksaj ri qachqʼaʼ chqä ri qa-tiempo loman majanä tchup ruwäch ri itzelal (1Co 9:26; Ef 5:15, 16). Taq rït chqä a-familia xtiyaʼ ruqʼij Dios pan iwachoch, tiquʼ rij achkë ütz niʼän chpan ri jun chik junaʼ rchë servicio. Chpan re wuj reʼ, xtiwïl kʼïy tzijonem ri yetzjon chrij ri achkë ütz niyaʼ chiwäch niʼän. Taq xtiʼän riʼ, naʼäy tikʼutuj itoʼik che rä Jehová (Snt 1:5).

Jun tzʼetbʼäl. ¿Ütz nitoʼ jun ri kʼo chpan i-familia rchë ntok precursor regular? We rït nanaʼ chë ma xkakowin ta xtaʼän ri horas najowatäj, takʼutuj anaʼoj chkë jojun precursores ri junan jbʼaʼ najin nkiqʼaxaj achiʼel najin naqʼaxaj rït (Pr 15:22). Rkʼë jbʼaʼ ütz naʼän jojun kʼutunïk chrij riʼ che rä jun precursor taq xtiyaʼ ruqʼij Dios pan iwachoch, y chrij riʼ tatzʼibʼaj achkë rubʼanik rkʼë jbʼaʼ xkakowin xtaʼän ri horas najowatäj. Ye kʼa, we rubʼanon qa xatok precursor, ¿achkë naʼij we yatok chik jmul? Rkʼë jbʼaʼ komä ütz nuʼän chawäch.

¿Ütz natoʼ jun chkë a-familia rchë ntok precursor auxiliar jun ikʼ o más? We ma kan ta kʼo chik awchqʼaʼ, ütz xa jbʼaʼ tiempo tatzjoj le Biblia ye kʼa ronojel qʼij tabʼanaʼ riʼ. We rma asamaj o rma ri tijobʼäl ma ütz ta nuʼän chawäch yatel chukojöl qʼij, rkʼë jbʼaʼ ütz naʼän a-precursorado chpan jun ikʼ ri kʼo nmaqʼij chkiwäch ri winäq, o ri kʼo woʼoʼ sábados chqä domingos chpan. Tatzʼibʼaj chwäch jun calendario achkë ikʼ nawajoʼ naʼän ri precursorado auxiliar chqä jaruʼ horas xtaʼän chpan jun qʼij rchë xkakowin xtaʼän ri horas najowatäj (Pr 21:5).

TAQ XATZʼËT YÄN RI VIDEO MA TIXIʼIJ TA IWIʼ, PRECURSORES, KEʼAQʼALAJSAJ RE KʼUTUNÏK REʼ:

• ¿Achkë rubʼanik xtoʼöx ya Emma rma Jehová? ¿Achkë nukʼüt qa reʼ chqawäch?