Campaña rchë nqatzüj tjonïk chrij le Biblia

Chpan ri ikʼ septiembre, xtqatäj qaqʼij rchë xtqatzüj jun tjonïk chrij le Biblia che rä xa bʼa achkë winäq rkʼë ri folleto Nawajoʼ rït yakʼaseʼ. Ri ikʼ riʼ, ri precursores auxiliares ütz nkijäch 30 horas. ¿Achkë rubʼanik xtqaʼän che rä re campaña reʼ?

• Chpan ri naʼäy visita. Taksaj ri peraj kʼo chrij ri folleto rchë naʼän chë ri winäq nkajoʼ nkitamaj más chqä takʼutuʼ chkiwäch achkë rubʼanik yeqatjoj ri winäq chrij le Biblia. Ma keʼamestaj ta ri kiyaʼon kixkïn chawä taq atzjon le Biblia chkë, achiʼel ri akamlun kichʼbʼexik. Yajün ri ma xkajoʼ ta xkitjoj kiʼ ojer, rkʼë jbʼaʼ komä xtqä chkiwäch ri folleto chqä ri kʼakʼakʼ rubʼanik najin yeqatjoj ri winäq. Ri folletos ma xkeyaʼöx ta qa chkipan jay ri akuchï majun ta achkë kʼo chqä xa xuʼ xketaq äl chkipan cartas chkë ri nkajoʼ nkitamaj más. Chpan ri ikʼ riʼ, ri Comité de Servicio rchë ri Congregación ütz yeruʼän más moloj rchë ntzjöx le Biblia.

• Chkipan nkʼaj chik mul. We ri congregación nuksaj exhibidores, xtkʼüt apü ri folleto Nawajoʼ rït yakʼaseʼ. We jun winäq nqä chwäch ri folleto, taʼij che rä chë röj yeqatjoj ri winäq chrij le Biblia chqä chë ma tojon ta. Takʼutuʼ chwäch achkë rubʼanik yeqatjoj ri winäq o takʼutuj che rä ajän ütz nakʼüt chwäch. Ri ukʼwäy bʼey rchë servicio ütz nuʼij chkë jojun publicadores ri ma kʼayewal ta nuʼän chkiwäch nkitzjoj le Biblia chë kebʼä chkipan kʼayij rchë nkitzüj tjonïk chrij le Biblia. Chqä ma taxiʼij ta awiʼ natzüj ri tjonïk chkë ri awachiʼil pa samaj o che rä xa bʼa achkë winäq.

Jesús xuʼij chë keqatoʼ ri winäq rchë yeʼok rutzeqelbʼëy chqä chë tqakʼutuʼ chkiwäch ri naʼoj xerukʼüt qa ryä (Mt 28:19, 20). Nqajoʼ chë re campaña reʼ, ri xtqaksaj ri folleto Nawajoʼ rït yakʼaseʼ, xtqrtoʼ rchë xtqaʼän ri samaj riʼ.