BʼIX 110
«Ri kiʼkʼuxlal ri petenäq rkʼë Jehová»
1. Röj qataman chë xa naqaj chik kʼo pä
ri kikamik ri qakʼulel.
Kan kiʼ qakʼuʼx tqayaʼ ruqʼij Jehová Dios,
rma ryä ya riʼ qakolonel.
(CORO)
Jehová, ri Qatat, ya riʼ nyaʼö pä
ri kiʼkʼuxlal nqanaʼ pa qan.
Jontir nqatyoxij ri qayoʼen apü.
Röj nqajoʼ nqayaʼ ruqʼij Jehová;
qaDios kan nuyaʼ pä ri ruchqʼaʼ chqë,
y rma riʼ röj kan kiʼ qakʼuʼx.
Tqatzjoj chë Jehová kan nüm rajowabʼäl,
rma nuyaʼ pä kiʼkʼuxlal pa qan.
2. Kan kiʼ qakʼuʼx tqayaʼ ruqʼij Jehová Dios,
rma kan yë ryä nyaʼö qachqʼaʼ.
Rkʼë nojel qan tqanimirsaj rubʼiʼ Dios,
rma kan jaʼäl ri runaʼoj.
(CORO)
Jehová, ri Qatat, ya riʼ nyaʼö pä
ri kiʼkʼuxlal nqanaʼ pa qan.
Jontir nqatyoxij ri qayoʼen apü.
Röj nqajoʼ nqayaʼ ruqʼij Jehová.
Qa-Dios kan nuyaʼ pä ri ruchqʼaʼ chqë,
y rma riʼ röj kan kiʼ qakʼuʼx.
Tqatzjoj chë Jehová kan nüm rajowabʼäl,
rma nuyaʼ pä kiʼkʼuxlal pa qan.
(Tatzʼetaʼ chqä 1 Crón. 16:27; Sal. 112:4; Luc. 21:28; Juan 8:32).