BʼIX 141
Ri kʼaslemal jun nimaläj spanïk
1.Jun jaʼäl ti neʼy, jun jaʼäl kotzʼiʼj,
ri raxqʼabʼ ri nqä nmaqʼaʼ, ri kaj, ri qʼij...
Kan jaʼäl nanaʼ natzʼët jontir riʼ;
kan nqʼalajin chë Jehová kowan yirajoʼ.
(CORO)
¿Achkë komä rbʼanik ntöj che rä Jehová?
Rïn xtinnmaj rutzij Ntataʼ Dios y xtinyaʼ ruqʼij.
Ri kʼaslemal ya riʼ jun mamaʼ utzil ri
ruyaʼon pä Qatat, jun nimaläj spanïk.
2.Ri nkitäj poqän, kan nbʼison ri kan,
y kʼïy mul xa chrij Qatat nkiqʼabʼaj wä.
Rïn xtinloqʼoqʼej y kan xtintyoxij
ri nukʼaslemal yaʼon pä ronojel qʼij.
(CORO)
¿Achkë komä rbʼanik ntöj che rä Jehová?
Rkʼë nojel wan xkenwajoʼ jontir kiwäch winäq.
Ri kʼaslemal ya riʼ jun mamaʼ utzil ri
ruyaʼon pä Qatat, jun nimaläj spanïk.
(Tatzʼetaʼ chqä Job 2:9; Sal. 34:12; Ecl. 8:15; Mat. 22:37-40; Rom. 6:23).