NA’OJ 18

Keʼakʼutuʼ utziläj taq naʼoj ri yekitoʼ ri winäq pa kikʼaslemal

1 Corintios 9:19-23

RI NTEL CHË TZIJ: Naʼän chë ri yekʼoxan awchë nkiquʼ rij ri najin nakʼüt chkiwäch, ke riʼ xtkinaʼ chë kan xkerutoʼ pa kikʼaslemal ri naʼoj nkitamaj äl.

RI RUBʼANIK NASMAJIJ

Taquʼ achkë kitaman chik ri yekʼoxan awchë. Ma xa xuʼ ta takamluj rubʼixik ri ya kikʼoxan chik ri winäq chrij ri najin nakʼüt, xa takʼutuʼ chkiwäch achkë chik nkʼaj naʼoj ütz nkitamaj qa chrij.

Taksaj más tiempo chrij ri kʼakʼakʼ taq naʼoj ri nawajoʼ chë nkitamaj ri winäq, y xa jbʼaʼ tiempo chrij ri naʼoj ri ya kitaman chik.
Takanuj más naʼoj ri nawajoʼ nakʼüt y kachʼobʼon chrij. We ütz nuʼän chawäch, taq nawajoʼ nakʼüt jun naʼoj ri kʼo rejqalen, katzjon chkij ri naʼoj ri ma kan ta tamatäl kiwäch o chkij ri xa bʼa achkë jun ri majanäj ta kebʼanatäj. Kachʼobʼon chrij ri naʼoj riʼ, y tatzʼetaʼ we rukʼwan riʼ rkʼë ri nawajoʼ nakʼüt.

Taq najin natjoj awiʼ, tabʼanaʼ qa re kʼutunïk reʼ: ¿achkë?, ¿achkë rma?, ¿ajän?, ¿akuchï?, ¿achkë winäq? y ¿achkë rubʼanik? We naʼän apü ri kʼutunïk riʼ taq najin nayaʼ atzijonem chqä kan pa rubʼeyal nayaʼ kiqʼalajsaxik, más xtqʼax chkiwäch ri winäq ri nawajoʼ nakʼüt.
Takʼutuʼ achkë rubʼanik nsmajïx ri naʼoj najin nakʼüt. Taqʼalajsaj achkë rubʼanik yerutoʼ pa kikʼaslemal ri winäq ri naʼoj ye kʼo chpan le Biblia. Katzjon chrij ri tamatäl kiwäch kimä ri yekʼoxan awchë, achiʼel ri yebʼanatäj pa qakʼaslemal, ri kinaʼoj ri winäq o ri yekibʼanalaʼ ronojel qʼij.