TJONÏK 48
Tachaʼ utziläj taq awachiʼil
Ri utziläj qachiʼil nkiʼän chë kiʼ qakʼuʼx nqaʼän chqä yojkitoʼ chkiwäch ri kʼayewal. Ye kʼa, tachajij awiʼ, le Biblia nuʼij chë ma xa bʼa achkë ta winäq ütz ntok awachiʼil. Rma riʼ, ¿achkë ütz naʼän rchë nachaʼ utziläj taq awachiʼil? Tanukʼuj kij re kʼutunïk reʼ.
1. ¿Achkë nkikʼäm pä pan awiʼ rït ri awachiʼil yeʼachaʼ?
Kʼïy mul, röj nqakʼän kinaʼoj ri winäq —ütz o ma ütz ta kinaʼoj— ri achoq kikʼë nqakʼwaj wä qiʼ. Ya riʼ nbʼanatäj taq nqakʼwaj qiʼ kikʼë o nqtzjon kikʼë chkipan ri redes sociales. Rma riʼ le Biblia nuʼij reʼ: «Ri yerachbʼilaj ajnaʼoj taq winäq xttok jun ajnaʼoj winäq, ye kʼa ri yerachbʼilaj winäq ri majun ta kinaʼoj [winäq ri ma nkiyaʼ ta ruqʼij Jehová] majun ütz ta xtrïl pa rukʼaslemal» (Proverbios 13:20). Ri winäq ri nkajoʼ Jehová chqä nkiyaʼ ruqʼij kan yatkitoʼ rchë más junan nuʼän awäch rkʼë Dios chqä rchë nachaʼ naʼän ri ütz. Ye kʼa we rït más nakʼwaj awiʼ kikʼë winäq ri ma ye kʼo ta pa congregación, rkʼë jbʼaʼ xa xtatzʼlaʼ awachbʼilanïk rkʼë Jehová. Rma riʼ le Biblia nuʼij chqë chë kan tqachaʼ na achkë winäq yeʼok qachiʼil. Taq ri qachiʼil nkajoʼ Dios, jontir nqïl utzil. Rma taq nbʼanatäj riʼ, röj nqkowin nqasmajij re naʼoj reʼ: «tikʼuqbʼalaʼ ikʼuʼx chqä titolaʼ iwiʼ chiwäch» (1 Tesalonicenses 5:11).
2. ¿Kan kʼo komä ruqʼij chwäch Jehová ri awachiʼil yeʼachaʼ?
Jehová kan nuchaʼ na achkë winäq yeʼok rachiʼil. Ye kʼa ryä «kan junan nuʼän ruwäch kikʼë ri nkikʼwaj jun jïk kʼaslemal» (Proverbios 3:32). ¿Achkë komä nunaʼ Jehová naʼij rït taq nqakʼwaj qiʼ kikʼë winäq ri ma nkiyaʼ ta ruqʼij ryä? ¡Kantzij na wä chë kan kowan xtbʼison! (Taskʼij ruwäch Santiago 4:4). Ye kʼa we yeqayaʼ qa ri itzel taq qachiʼil chqä nqatäj qaqʼij rchë más junan nuʼän qawäch rkʼë Jehová chqä kikʼë ri nkiyaʼ ruqʼij, ryä kan kiʼ rukʼuʼx xtuʼän chqä xtyaʼ qʼij chqë rchë nq-ok rachiʼil (Salmo 15:1-4).
TQATAMAJ MÁS CHRIJ RE NAʼOJ REʼ
Tqatzʼetaʼ achkë rma kan kʼo ruqʼij yeqachaʼ utziläj taq qachiʼil chqä achkë ütz naʼän rït rchë yejeʼ awachiʼil ri ke riʼ kinaʼoj.
3. Tachajij awiʼ chkiwäch ri itzel taq achbʼilanïk
Ri itzel taq achbʼilanïk ya riʼ ri winäq ri ma nkiyaʼ ta ruqʼij Dios chqä ma nkismajij ta ri naʼoj yeruyaʼon pä chqë chpan le Biblia. Titzʼetaʼ ri VIDEO y kixtzjon chrij reʼ:
Kʼo mul ma nqanaʼej taq yejeʼ itzel taq qachiʼil, ¿achkë rubʼanik nbʼanatäj riʼ?
Tiskʼij ruwäch 1 Corintios 15:33 y kixtzjon chrij reʼ:
¿Achkë winäq naʼij rït chë ma ütz ta yeʼok awachiʼil? ¿Achkë rma?
Tiskʼij ruwäch Salmo 119:63 y kixtzjon chrij reʼ:
¿Achkë kʼo chë natzʼët rït chrij jun winäq ri nawajoʼ ntok awachiʼil?
Jun qʼinäq manzana nkowin nuʼän chë ri nkʼaj chik yeqʼïy chqä. Y rït, ¿achkë xtkikʼäm pä pan awiʼ ri itzel taq achbʼilanïk?
4. Ütz yejeʼ qachiʼil ri ma ye junan ta qkʼë röj
Le Biblia nutzjoj rij David chqä Jonatán, kaʼiʼ achiʼaʼ ri xejeʼ Israel ojer. Ryeʼ kan ütz xkikʼwaj kiʼ, tapeʼ ma junan ta wä kijunaʼ chqä ri rubʼanik kʼaslemal xkikʼwaj. Tiskʼij ruwäch 1 Samuel 18:1 y kixtzjon chrij reʼ:
¿Achkë rma ma nkʼatzin ta na chë junan qajunaʼ rkʼë jun winäq o ri rubʼanik kʼaslemal qakʼwan rchë ntok qachiʼil?
Tiskʼij ruwäch Romanos 1:11, 12 y kixtzjon chrij reʼ:
¿Achkë rubʼanik nkikʼuqbʼalaʼ kikʼuʼx chkiwäch kaʼiʼ winäq ri nkiyaʼ ruqʼij Jehová?
¿Achkë rubʼanik xrïl rachiʼil jun kʼajol ri akuchï ma ruchʼobʼon ta wä ryä? Titzʼetaʼ ri VIDEO y kixtzjon chrij re:
¿Achkë rma ruteʼ rutataʼ Akil kan xetzjon rkʼë rma ri rachiʼil xerïl pa tijobʼäl?
¿Achkë xbʼanö che rä Akil chë pa naʼäy kan xqä chwäch xkʼwaj riʼ kikʼë ri rachiʼil riʼ?
¿Achkë xuʼän ryä rchë xnaʼ chë ma ruyonïl ta kʼo?
5. ¿Achkë rubʼanik yeqïl utziläj qachiʼil?
Tatzʼetaʼ achkë rubʼanik nawïl utziläj taq awachiʼil y achkë rubʼanik yatok jun utziläj achiʼil rït chqä. Titzʼetaʼ ri VIDEO.
Tiskʼij ruwäch Proverbios 18:24 chqä 27:17, y kixtzjon chrij reʼ:
¿Achkë rubʼanik nkitoʼ kiʼ ri kantzij taq achiʼil?
¿Ye kʼo utziläj taq awachiʼil rït achiʼel ri nuʼij chpan Proverbios? We majun, ¿achkë ütz naʼän rchë nawïl awachiʼil ri ke riʼ kinaʼoj?
Tiskʼij ruwäch Filipenses 2:4 y kixtzjon chrij reʼ:
Rchë yejeʼ utziläj taq qachiʼil, röj chqä kʼo chë nq-ok utziläj taq achiʼil. ¿Achkë ütz naʼän rït rchë yatok jun utziläj achiʼil?
Rchë yejeʼ utziläj taq awachiʼil, rït kʼo chë yatok jun utziläj achiʼil.
JOJUN WINÄQ NKIʼIJ REʼ: «Xa bʼa achkë winäq ütz ntok awachiʼil».
¿Achkë naʼij rït?
RI XQATAMAJ QA
Taq ütz yeqachaʼ qachiʼil, röj kʼo utzil nqïl pa qakʼaslemal chqä nqaʼän chë Jehová kiʼ rukʼuʼx nuʼän.
Tqakamluj ri xqatzʼët qa
¿Achkë rma kan kʼo ruqʼij chwäch Jehová ri qachiʼil yeqachaʼ?
¿Achkë chë winäq ma ütz ta yeʼok qachiʼil?
¿Achkë ütz naʼän rït rchë yejeʼ utziläj taq awachiʼil?
RCHË NATAMAJ MÁS
Tatzʼetaʼ achkë rubʼanik yojkitoʼ ri qachiʼil taq kʼo kʼayewal yeqaqʼaxaj.
Tanukʼuj kij jojun naʼoj ri ütz nasmajij rchë nawïl utziläj taq awachiʼil.
¿Achkë kʼo chë natamaj rït chkij ri awachiʼil pa Internet?
Taskʼij chpan ri peraj «Kan xinwajoʼ wä chë kʼo ta jun ntataʼ rchë yiruchajij» achkë rubʼanik jun achï xeruyaʼ qa ri rachiʼil.
«Le Biblia xjäl kikʼaslemal» (Ri Chajinel, 1 de abril, 2012)