Keʼaksaj tzij ri ma kʼayewal ta yeqʼax

Ri xuʼän Jesús

VIDEO: Jesús nuksaj jun tzʼetbʼäl rchë nukʼüt chë Jehová kan nqrchajij

1. Tatzʼetaʼ ri VIDEO o taskʼij ruwäch Mateo 6:25-27. Chrij riʼ, taquʼ kij re kʼutunïk reʼ:

1. ¿Achkë tzʼetbʼäl xksaj Jesús rchë xkʼüt chë Jehová kan nqrchajij

2. Tapeʼ Jesús kan kʼïy wä retaman chkij ri ajxikʼ taq chköp, ¿achkë rma xyaʼ rejqalen jun naʼoj ri ma kʼayewal ta nqʼax, y achkë rma ri rubʼanik xkʼüt ri naʼoj riʼ kan ütz?

¿Achkë nqatamaj qa chrij Jesús?

2. We ma kʼayewal ta rubʼanik yeqakʼüt naʼoj, ri winäq ma xtkimestaj ta ri xtqakʼüt chkiwäch chqä xtapon pa kan.

Takʼamaʼ anaʼoj chrij Jesús

3. Ma katzjon ta más. Ma taʼij ta apü jontir ri ataman chrij jun naʼoj. Pa rukʼexel riʼ, tayaʼ awan chrij ri kʼo pä chpan ri qawuj rchë nqayaʼ tjonïk. Taq xtaʼän jun kʼutunïk, tayoʼej kʼa taq ri winäq xtuʼij pä ri xqʼax chwäch. Ye kʼa ¿y si ma retaman ta achkë ruqʼalajsaxik ri kʼutunïk o kʼo jun nuʼij ri ma rukʼwan ta riʼ rkʼë ri nukʼüt le Biblia? Keʼabʼanaʼ más kʼutunïk ri xttoʼ rchë nqʼax ri naʼoj pa rujolon. We ri winäq ya xqʼax ri naʼoj pa rujolon, kaqʼax chpan ri jun chik peraj.

4. Taksaj ri naʼoj ri retaman chik ri winäq rchë nakʼüt kʼakʼakʼ taq naʼoj chwäch. Tabʼanaʼ che rä chë nachäp jun tjonïk ri ntzjon chrij ri kʼasojixïk. Rkʼë jbʼaʼ ütz nakamluj ri retaman chik ri winäq chrij ri achkë nbʼanatäj qkʼë taq nqkäm.

5. Tatzʼetaʼ na achkë tzʼetbʼäl yeʼaksaj. Taq nawajoʼ naksaj jun tzʼetbʼäl, taquʼ rij reʼ:

1. «¿Ma kan ta achkë komä rubʼanik ri tzʼetbʼäl nwajoʼ nksaj?».

2. «¿Chaq bʼaʼ komä xtqʼax pa rujolon ntijoxel?».

3. «¿Xtnatäj komä che rä ntijoxel ri naʼoj ri kan kʼo rejqalen, o xa xuʼ ri tzʼetbʼäl xtnatäj che rä?».