Naʼoj rchë nbʼan ri moloj Qakʼaslemal chqä Qasamaj röj ri Cristianos

Ri petenäq chpan re wuj reʼ

1. Re wuj reʼ rukʼamon pä jojun naʼoj ri nkʼatzin nkismajij ri yeqʼaxan asignaciones chpan ri moloj Qakʼaslemal chqä Qasamaj röj ri Cristianos. Ye kʼa taq nkitjoj kiʼ chrij ri peraj xtkiqʼaxaj, nkʼatzin nkitzʼët chqä nkismajij ri naʼoj kʼo chpan ri Wuj rchë ri qamoloj: Qakʼaslemal chqä Qasamaj röj ri Cristianos. Ütz nbʼix chkë jontir ri publicadores chë ütz nkiqʼaxaj asignaciones chpan re moloj reʼ. Ri winäq ri nkimöl kiʼ qkʼë ütz chqä nkiqʼaxaj asignaciones we nkinmaj ri nukʼüt le Biblia chqä nkismajij ri naʼoj ye kʼo chpan. We kʼo jun nrajoʼ yeruqʼaxaj asignaciones tapeʼ majanä jun publicador ta, ri qachʼalal ri nyaʼö kisamaj jontir chpan qamoloj Qakʼaslemal chqä Qasamaj, xttzjon rkʼë chrij jojun naʼoj ri nkʼatzin yerusmajij, y chrij riʼ xtuʼij che rä we ütz yeruqʼaxaj asignaciones o manä. Taq ri qachʼalal riʼ xttzjon rkʼë, kʼo chë njeʼ chqä ri najin ntjon rchë chrij le Biblia (o jun chkë ruteʼ rutataʼ Testigo). Ri naʼoj ri xttzʼet rkʼë ya riʼ chqä ri naʼoj ntzʼet rkʼë jun winäq ri nrajoʼ ntok publicador (od-S cap. 8 peraj 8).

NAʼÄY TAQ TZIJ

2. Jun minuto. Taq xqbʼixan yän chqä xqchʼö yän rkʼë Dios, ri qachʼalal ri nukʼwan bʼey chpan ri moloj Qakʼaslemal chqä Qasamaj xtuʼij achkë xtqatzʼët chpan ri moloj. Ryä xtyaʼ rejqalen ri naʼoj ri más nkʼatzin che rä ri congregación.

RI BʼEYOMÄL YEQÏL CHPAN LE BIBLIA

3. Tzijonem (10 minutos). Chpan ri Wuj rchë ri qamoloj kʼo rubʼiʼ ri tzijonem chqä kaʼiʼ u oxiʼ naʼoj ri nkʼatzin yekʼut. Re tzijonem reʼ jun ukʼwäy bʼey o jun toʼonel xtyaʼö rchë. Taq xtqachäp ruskʼixik jun chik libro chpan le Biblia, xtqatzʼët jun video ri ntzjon chrij ri libro riʼ. Ri qachʼalal ütz nuʼij achkë rubʼanik ri naʼoj ye kʼo chpan ri video kikʼwan kiʼ rkʼë rubʼiʼ ri tzijonem, ye kʼa kʼo chë nukʼüt ri naʼoj ye kʼo chpan ri Wuj rchë ri qamoloj. We nuyaʼ tiempo chwäch, ütz chqä yeruksaj ri achbʼäl chqä kan ütz yeruqʼalajsaj, rma yebʼanon pä rchë nkiyaʼ ruchqʼaʼ ri tzijonem. Ri qachʼalal ütz chqä yerukʼüt nkʼaj chik naʼoj we kikʼwan kiʼ rkʼë ri tzijonem.

4. Keqakanuj bʼeyomäl chpan le Biblia (10 minutos). Re peraj reʼ xtbʼan kikʼë kʼutunïk chqä jun ukʼwäy bʼey o jun toʼonel xtqʼaxan rchë. Ryä ma nkʼatzin ta kʼo nuʼij taq nuchäp re peraj reʼ o taq xtkʼïs. Chqä, kʼo chë yeruʼän ri kaʼiʼ kʼutunïk. Y, ryä xttzʼetö we xkeskʼïx ri textos o manä. Ri kicomentarios ri qachʼalal kʼo chë nyalöj 30 segundos o menos.

5. Ruskʼixik ruwäch wuj (4 minutos). Re asignación reʼ jun qachʼalal achï xtqʼaxan rchë. Ryä xa xuʼ xtskʼij ri peraj bʼin che rä y ma nkʼatzin ta kʼo nuʼij taq xtchäp ruskʼixik o taq xtkʼïs. Ri nukʼwan bʼey chpan qamoloj xkerutoʼ ri xkeqʼaxan re peraj reʼ rchë kan ütz rubʼanik nkiskʼij ruwäch wuj. Ryä xkerutoʼ rchë kan achiʼel kʼo pä chwäch ri wuj kan ke riʼ nkiskʼij, rchë ma yeqʼateʼ ta taq nkiʼän riʼ, rchë nkitamaj nkijtobʼaʼ chqä nkiqasaj ruchqʼaʼ kichʼaʼäl, rchë nkitamaj akuchï nkʼatzin wä nkiʼän pausas chqä rchë nkitzʼët achkë naʼoj nkʼatzin nkiyaʼ más ruchqʼaʼ. Rma kʼo mul más kʼïy peraj nkʼatzin yeskʼïx, ri qachʼalal ri nyaʼö kisamaj jontir chpan ri moloj Qakʼaslemal chqä Qasamaj xttzʼët na achoq che rä xtyaʼ wä ri asignación riʼ.

KAN PA RUBʼEYAL KEQATJOJ RI WINÄQ

6. Quince minutos. Re peraj reʼ bʼanon pä rchë yetjöx jontir qachʼalal rchë más ütz rubʼanik yetzjon kikʼë ri winäq, rchë nkitzjoj le Biblia chkë chqä rchë yekitjoj. We nkʼatzin, ri ukʼwäy taq bʼey ütz chqä nkiqʼaxaj jojun asignaciones chpan re peraj reʼ. Ri xtyaʼöx jun kisamaj, nkʼatzin nkismajij ri naʼoj rchë ri folleto Tijonelaʼ o ri folleto Keʼawajoʼ ri winäq ri ye kʼo chpan paréntesis chpan ri Wuj rchë ri qamoloj. Jojun semanas, re peraj reʼ xtkʼäm pä jojun peraj ri xkebʼan kikʼë kʼutunïk; ya reʼ jun ukʼwäy bʼey o jun toʼonel xtqʼaxan rchë (tatzʼetaʼ ri peraj 15 ri akuchï nuʼij achkë rubʼanik nakʼwaj bʼey chpan jun peraj ri nbʼan kikʼë kʼutunïk).

7. Tachapaʼ tzij. Re peraj reʼ jun qachʼalal achï o jun qachʼalal ixöq xtqʼaxan rchë. We jun qachʼalal achï xtqʼaxan rchë, yë jun qachʼalal achï xttoʼö rchë o jun ruchʼalal. Ke riʼ chqä jun qachʼalal ixöq, yë jun qachʼalal ixöq xttoʼö rchë o jun ruchʼalal. Ryeʼ ütz yepaʼeʼ o yetzʼyeʼ. (Rchë natamaj achkë xtatzjoj che rä ri winäq o achkë rubʼanik xtaʼän che rä, tatzʼetaʼ ri peraj 12 chqä 13).

8. Katzolin. Re peraj reʼ jun qachʼalal achï o jun qachʼalal ixöq xtqʼaxan rchë. We jun qachʼalal achï xtqʼaxan rchë, yë jun qachʼalal achï xttoʼö rchë. Ke riʼ chqä jun qachʼalal ixöq, yë jun qachʼalal ixöq xttoʼö rchë (km-S 5/97 ruxaq 2). Ryeʼ ütz yepaʼeʼ o yetzʼyeʼ. Ri xtqʼaxan re peraj reʼ nkʼatzin nukʼüt achkë ütz naʼij che rä jun winäq taq yatzolin chuchʼbʼexik. (Rchë natamaj achkë xtatzjoj che rä ri winäq o akuchï xkajeʼ wä taq xkatzjon rkʼë, tatzʼetaʼ ri peraj 12 chqä 13).

9. Keʼatjoj chrij le Biblia. Re peraj reʼ jun qachʼalal achï o jun qachʼalal ixöq xtqʼaxan rchë. We jun qachʼalal achï xtqʼaxan rchë, yë jun qachʼalal achï xttoʼö rchë. Ke riʼ chqä jun qachʼalal ixöq, yë jun qachʼalal ixöq xttoʼö rchë (km-S 5/97 ruxaq 2). Ryeʼ ütz yepaʼeʼ o yetzʼyeʼ. Re asignación reʼ nukʼüt jun peraj rchë jun tjonïk chrij le Biblia ri ya tkirsan chik. Ri qachʼalal ma nkʼatzin ta nuʼij ri nqaʼij che rä jun winäq taq nqapon rkʼë rchë nqatjoj, o ri nqaʼij taq nqakʼïs qatjonik rkʼë; xa xuʼ ütz nuʼän riʼ we chrij ri naʼoj riʼ najin nsamäj wä. Chqä, ryeʼ ma nkʼatzin ta chë kan rkʼë nüm kichʼaʼäl nkiskʼij jontir ri kʼo chwäch ri wuj najin nkinukʼuj ruwäch. Tapeʼ ke riʼ, ma itzel ta we nkiʼän riʼ.

10. Taqʼalajsaj ri nanmaj. We nkʼatzin nyaʼöx jun tzijonem chpan re peraj reʼ, yë jun qachʼalal achï xtyaʼö rchë. We jun demostración, jun qachʼalal achï o jun qachʼalal ixöq xkeqʼaxan. Si jun qachʼalal achï xtqʼaxan rchë, yë jun qachʼalal achï xttoʼö rchë o jun ruchʼalal. Ke riʼ chqä jun qachʼalal ixöq, yë jun qachʼalal ixöq xttoʼö rchë o jun ruchʼalal. Ri xtyaʼö re peraj reʼ nkʼatzin kan pa rubʼeyal chqä kan ütz rubʼanik nuqʼalajsaj ri kʼutunïk rchë ri peraj riʼ. Rchë nuʼän riʼ, ryä nkʼatzin nuksaj ri referencia ri kʼo chpan qawuj. Y, we ryä nrajoʼ, ütz nuʼij rubʼiʼ ri referencia riʼ.

11. Tzijonem. Re peraj reʼ jun qachʼalal achï xtyaʼö rchë. Taq xtkʼatzin xttzjoj ri naʼoj ye kʼo chpan ri naʼoj A rchë ri folleto Keʼawajoʼ ri winäq, ryä kʼo chë nukʼüt achkë rubʼanik yeksäx ri textos chutzjoxik le Biblia. Jun tzʼetbʼäl, ütz nukʼüt achkë ntel chë tzij jun texto, ajän ütz nqaksaj y achkë rubʼanik nqaksaj rchë jun winäq nqʼax chwäch ri naʼoj nqajoʼ nqakʼüt chwäch. Ye kʼa taq xtkʼatzin xttzjoj jun chkë ri nkʼaj chik naʼoj ri ye kʼo chpan ri folleto, ryä nkʼatzin nukʼüt achkë rubʼanik nqakʼüt ri naʼoj riʼ chkiwäch ri winäq. Ütz nutzjoj ri tzʼetbʼäl ri kʼo chpan ri peraj 1 rchë ri naʼoj xttzjoj o nukʼüt jojun chkë ri textos ri ye kʼo chriʼ, ye kʼa yë ryä ntzʼetö we ütz nuʼän riʼ.

12. Ri kʼo chë nbʼan. Ri naʼoj ye kʼo chpan re peraj reʼ chqä chpan ri jun chik, nkʼatzin yesmajïx chpan ri peraj «Tachapaʼ tzij» chqä «Katzolin». Ri xtqʼaxan jun chkë re peraj reʼ nkʼatzin nukʼüt jun naʼoj ri kʼo chpan le Biblia ri ma kʼayewal ta nqʼax chqä nkʼatzin nukanuj rubʼanik rchë xtkowin xttzjon chik jmul rkʼë ri winäq; xa xuʼ ma xtuʼän riʼ we kan ya riʼ nuʼij chpan ri Wuj rchë ri qamoloj. Chqä, nkʼatzin ntzjon chrij jun naʼoj ri nkajoʼ nkitamaj o nkajoʼ nkikʼoxaj ri winäq chpan ri tinamït akuchï kʼo wä. Ryä ntzʼetö we xttzüj jun chkë qapublicaciones o xtkʼüt jun video. Pa rukʼexel xa xuʼ nukamluj ri naʼoj ri xtjoj riʼ chrij, ryä nkʼatzin nutamaj ntzjon kikʼë ri winäq chqä nukʼüt chkiwäch chë kantzij nrajoʼ yerutoʼ.

13. Ri rubʼanik nbʼan che rä. Ri xkeqʼaxan kasignaciones nkʼatzin nkitzʼët achkë rubʼanik nkismajij chpan kitinamit ri naʼoj nyaʼöx chkë rchë nkiʼän kidemostración. Jojun tzʼetbʼäl:

1) Chuchiʼ taq jay. Nqaʼän ya reʼ taq nqatzjoj le Biblia chkachoch ri winäq —rkʼë jbʼaʼ taq nqapon chkachoch, nqatäq cartas chkë o yeqaskʼij äl pa teléfono— o nqtzolin chik jmul rkʼë jun winäq ri ke reʼ rubʼanik xqatzjoj le Biblia che rä.
2) Xa bʼa akuchï yït kʼo wä. Nqaʼän reʼ taq nqakanuj rubʼanik rchë nqatzjoj le Biblia chkë ri winäq tapeʼ xa bʼa akuchï yoj kʼo wä o xa bʼa achkë na najin nqaʼän, achiʼel taq nqaskʼij jun texto chwäch jun qachiʼil pa samaj, pan escuela, chwäch jun qavecino o chwäch jun winäq ri junan yoj bʼenäq pa chʼichʼ rkʼë.
3) Akuchï ye kʼo ye kʼïy winäq. Ya reʼ nqaʼän taq nqatzjoj le Biblia chrij exhibidor, pa taq kʼayij, pa taq bʼey, pa parque, akuchï yepaʼeʼ wä chʼichʼ, o xa bʼa akuchï ye kʼo winäq.

14. Kiksaxik videos chqä publicaciones. Ri xtqʼaxan rasignación, yë ryä ntzʼetö we ütz nuʼän chwäch nukʼüt jun video o nutzüj jun chkë qapublicaciones. We chpan rasignación kʼo jun video y ryä nrajoʼ nukʼüt, ütz nuʼän riʼ, ye kʼa kʼo chë ma nutzäj ta. Chqä kʼo chë nuʼän kʼutunïk chrij ri video riʼ.

RI QAKʼASLEMAL RÖJ RI CRISTIANOS

15. Re peraj reʼ xtchapatäj rkʼë jun bʼix. Chpan ri naʼäy 15 minutos xtqʼaxäx jun o kaʼiʼ peraj ri xkerutoʼ qachʼalal rchë xtkismajij ri naʼoj ye kʼo chpan Ruchʼaʼäl Dios. Re peraj reʼ jun ukʼwäy bʼey o jun toʼonel xkeqʼaxan. Ye kʼa ri peraj ri nkʼatzin pa qacongregación, yë jun ukʼwäy bʼey xtqʼaxan rchë. Taq jun chkë ri peraj riʼ xtkʼatzin xtbʼan kikʼë kʼutunïk, ri qachʼalal ütz yeruʼän nkʼaj chik kʼutunïk y ma xa xuʼ ta ri kʼutunïk ri ye kʼo pä chpan ri peraj riʼ. Ryä nkʼatzin ma kʼïy ta achkë nuʼij taq nuchäp rasignación, rchë ke riʼ xtjeʼ kʼïy tiempo chwäch rchë xtkʼüt ri naʼoj ri kʼo más kiqʼij chqä rchë ri qachʼalal xkekowin xtkiyaʼ kicomentarios. We nkʼatzin nuʼän kʼutunïk che rä jun qachʼalal —we ütz nuʼän chwäch— ri qachʼalal riʼ kʼo chë ntzjon pä pa plataforma y ma pa rutzʼibʼäl ta.

16. Tjonïk chrij le Biblia pa congregación (30 minutos). Re peraj reʼ jun ukʼwäy bʼey xtqʼaxan rchë (chpan congregaciones ri akuchï ma ye kʼïy ta ukʼwäy taq bʼey ye kʼo, ütz yeksäx toʼonelaʼ). Yë ri ukʼwäy taq bʼey pa congregación yetzʼetö achkë ütz yeqʼaxan re peraj reʼ. Ri qachʼalal riʼ kʼo chë yekowin nkikʼïs re peraj reʼ chpan ri tiempo yaʼon chkë, nkiyaʼ kejqalen ri textos ri nkiyaʼ ruchqʼaʼ ri tjonïk chqä yekitoʼ qachʼalal rchë nkitzʼët achkë naʼoj nkʼatzin yekismajij. Rchë ryeʼ yekowin nkiʼän riʼ, ütz nkinukʼuj ri naʼoj yaʼon pä chrij rubʼanik nakʼwaj bʼey chpan jun peraj ri nbʼan kikʼë kʼutunïk (w23.04 ruxaq 24, recuadro). Ri qachʼalal ri nqʼaxan re peraj reʼ ma nkʼatzin ta nuksaj ri 30 minutos we xnukʼuj yän jontir ri naʼoj ri nkʼatzin ntzʼet. We ütz nuʼän, ütz chë ronojel semanas jalajöj qachʼalal yeqʼaxan re peraj reʼ chqä jalajöj qachʼalal yeskʼin ruwäch wuj. Taq ri qachʼalal ri nukʼwan bʼey chpan ri moloj nuʼij che rä ri nqʼaxan re peraj reʼ chë tqasaj jbʼaʼ ri tiempo rchë ri tjonïk, yë ryä ntzʼetö achkë rubʼanik xtuʼän che rä. Jun ri ütz nbʼan ya riʼ ma yeskʼïx ta jojun peraj.

TZIJ RCHË NKʼIS RI MOLOJ

17. Tres minutos. Ri qachʼalal ri nukʼwan bʼey chpan ri moloj xtkamluj jojun naʼoj ri xetzʼet chpan ri moloj. Chqä xttzjoj jbʼaʼ ri xttzʼet chpan ri jun chik semana. We kʼa kʼo na tiempo, ütz nuʼij kibʼiʼ ri qachʼalal ri kʼo kasignación ri jun chik semana. Taq xtkʼatzin xtyaʼöx jun rutzjol o xtskʼïx ruwäch jun carta, ri nukʼwan bʼey chpan ri moloj xtkowin xtuʼän riʼ chpan re peraj reʼ. Ri rutzjol chrij ri yebʼan pa congregación, achiʼel ri hora ri xtbʼan ri moloj rchë xttzjöx le Biblia o achkë xkechʼajchʼobʼen ri Salón, ma xtbʼix ta pä pa plataforma, xa xkeyaʼöx chwäch ri tablero de anuncios. We ma xtqʼiʼ ta ri tiempo rchë yeskʼïx ri cartas o rchë yeyaʼöx ri anuncios ri yekʼatzin, ri qachʼalal ri nukʼwan bʼey chpan ri moloj xtuʼij chkë qachʼalal ri kʼo kasignación chpan ri peraj «Ri qakʼaslemal röj ri cristianos» chë tkiqasaj jbʼaʼ kitiempo (tatzʼetaʼ ri peraj 16 chqä 19). Ri moloj xtkʼis rkʼë jun bʼix chqä jun chʼonïk.

NAʼOJ CHKË RI YEQʼAXAN ASIGNACIONES

18. Taq nkʼis jun asignación, ri nukʼwan bʼey chpan ri moloj kʼo jbʼaʼ ma jun minuto chwäch rchë nuʼij che rä ri qachʼalal chë ütz xuʼän che rä rusamaj chqä rchë nuyaʼ jojun naʼoj che rä ri kʼo chpan ri lección ri najin nusmajij. Ryä kʼo chë ma nuʼij ta achkë naʼoj najin nusmajij ri qachʼalal taq majanä tqʼax apü. Ye kʼa taq ri qachʼalal ya xkʼïs yän rasignación y ryä ya xuʼij yän che rä chë ütz xuʼän che rä rusamaj, ütz nuʼij achkë naʼoj najin nusmajij y achkë rma ütz xuʼän che rä, o pa rubʼeyal nuʼij che rä achkë rma nkʼatzin na nusmajij ri naʼoj riʼ y achkë rubʼanik nuʼän che rä. Ri nukʼwan bʼey chpan ri moloj ütz chqä nutzjoj jojun naʼoj ri xtzʼët ryä chpan ri asignación ri rkʼë jbʼaʼ xttoʼ ri qachʼalal o ri najin yekʼoxan rchë. Taq xtkʼis ri moloj o jun chik qʼij, ütz pa ruyonïl nuyaʼ chik jojun naʼoj che rä ri relesan pä chpan ri folleto Keʼawajoʼ ri winäq, ri folleto Tijonelaʼ o ri libro Benefíciese, rkʼë jbʼaʼ chrij ri naʼoj ri achoq chrij najin nsamäj wä o chrij jun chik naʼoj (chpan ri peraj 19, 24 chqä 25 xtawïl más naʼoj chrij ri samaj nuʼän ri qachʼalal ri nukʼwan bʼey chpan ri moloj Qakʼaslemal chqä Qasamaj chqä chrij ri qachʼalal ri nyaʼö naʼoj).

TIEMPO

19. Jontir ri yeqʼaxan asignaciones kʼo chë ma yeqʼax ta rkʼë kitiempo (yajün ri nukʼwan bʼey chpan ri moloj). Tapeʼ chpan ri Wuj rchë ri qamoloj nuʼij jaruʼ tiempo nkʼatzin nkiʼän ri yeqʼaxan ri asignaciones, we ryeʼ xkikʼüt yän jontir ri naʼoj kʼo chpan kasignación, ma nkʼatzin ta nkikʼüt nkʼaj chik naʼoj xa xuʼ rchë yeʼapon rkʼë ri tiempo yaʼon chkë. We jun qachʼalal nqʼax rkʼë rutiempo, pa ruyonïl xtyaʼöx runaʼoj rma ri nukʼwan bʼey chpan ri moloj o rma ri qachʼalal ri nyaʼö naʼoj (tatzʼetaʼ ri peraj 24 chqä 25). Ri moloj kʼo chë nyalöj 1 hora rkʼë 45 minutos. Aweʼ chqä jlan ri minutos ri nksäx chkë ri bʼix chqä ri chʼonïk.

VISITA RCHË RI UKʼWÄY BʼEY RCHË CIRCUITO

20. Chpan ri semana riʼ, xtbʼan ri nuʼij chpan ri Wuj rchë ri qamoloj, ye kʼa kʼo jojun ri xkejalatäj jbʼaʼ. Pa rukʼexel xtqʼaxäx ri «Tjonïk chrij le Biblia pa congregación», ri ukʼwäy bʼey rchë circuito xtyaʼ jun tzijonem ri xtyalöj 30 minutos. Taq ya nchap ri tzijonem riʼ, ri nukʼwan bʼey chpan ri moloj xtkamluj achkë xtzʼet chpan ri moloj, xtuʼij achkë xttzʼet chpan ri jun chik semana, xtyaʼ ri anuncios, xtskʼij ri cartas chqä xtuʼij chë ri ukʼwäy bʼey rchë circuito xtyaʼ jun tzijonem. Taq ri ukʼwäy bʼey rchë circuito xtkʼïs rutzijonem, ryä xtuʼij achkë bʼix xtbʼixäx. We ryä nrajoʼ, ütz nuʼij che rä jun qachʼalal chë tbʼanaʼ ri chʼonïk. Chpan ri semana riʼ ma xkeyaʼöx ta asignaciones chpan ri sala B. Ri grupos ri yetzjon jun chik chʼaʼäl ütz nkimöl kiʼ chpan ri semana riʼ, ye kʼa kʼo chë nkikʼoxaj rkʼë ri congregación ri tzijonem xtyaʼ ri ukʼwäy bʼey rchë circuito chrij ri rubʼanik najin ntzjöx le Biblia.

SEMANA RCHË QANIMAMOLOJ

21. Chpan ri semana riʼ, ma xtqamöl ta qiʼ pa Salón. Xtbʼix chkë qachʼalal chë tkitjoj kiʼ chrij ri moloj rchë ri semana riʼ pa kiyonïl o rkʼë kifamilia.

RI SEMANA TAQ NQANATAJ RUKAMIK JESÚS

22. Taq xtqanataj rukamik Jesús chukojöl qʼij, ma xtbʼan ta ri moloj Qakʼaslemal chqä Qasamaj.

RI NYAʼÖ KISAMAJ JONTIR QACHʼALAL CHPAN RI MOLOJ QAKʼASLEMAL CHQÄ QASAMAJ

23. Re samaj reʼ yë jun ukʼwäy bʼey ri chaʼon kimä ri ukʼwäy taq bʼey pa congregación xtbʼanö rchë. Ryä kʼo chë nutzʼët chë ri moloj ütz ntel chqä chë najin yesmajïx ri naʼoj ye kʼo chpan re wuj reʼ. Chqä kʼo chë chaq taqïl ntzjon rkʼë ri qachʼalal ri nyaʼö naʼoj. Kan xa xuʼ ntel chik jun kʼakʼakʼ Wuj rchë ri qamoloj, ryä kʼo chë nuʼän ri programa rchë ri asignaciones ri xkeqʼaxäx chpan ri kaʼiʼ ikʼ riʼ: ri «Ruskʼixik ruwäch wuj», ri asignaciones ri ye kʼo chpan ri peraj «Kan pa rubʼeyal keqatjoj ri winäq», ri asignaciones ri xa xuʼ ukʼwäy taq bʼey o toʼonelaʼ yeqʼaxan rchë chqä ri xtkʼwan bʼey chpan ri moloj. Chkë rukʼisbʼäl kaʼiʼ asignaciones xqaʼij qa, kʼo chë yeksäx ri qachʼalal ri yechaʼon kimä ri ukʼwäy taq bʼey (tatzʼetaʼ ri peraj 3-16 chqä 24). Taq re qachʼalal reʼ xtyaʼ kisamaj jontir qachʼalal, ryä naʼäy kʼo chë nutzʼët na kijunaʼ qachʼalal, jaruʼ tiempo kitzjon pä chik le Biblia chqä we ütz nuʼän chkiwäch yetzjon chrij ri naʼoj nkʼatzin nkikʼüt. Jontir ri asignaciones kʼo chë yeyaʼöx chkë qachʼalal taq nrajoʼ na jun oxiʼ semanas rchë nkiqʼaxaj. Che rä ri peraj «Ruskʼixik ruwäch wuj» chqä ri asignaciones ri ye kʼo chpan ri peraj «Kan pa rubʼeyal keqatjoj ri winäq» kʼo chë nksäx ri wuj Ri asamaj pa moloj Qakʼaslemal chqä Qasamaj röj ri Cristianos (S-89). Ri qachʼalal kʼo chë nutzʼët chqä chë ri programa nyaʼöx chwäch ri tablero de anuncios. Ri ukʼwäy taq bʼey ütz nkichaʼ jun ukʼwäy bʼey o jun toʼonel rchë nutoʼ ri qachʼalal ri nyaʼö kisamaj jontir; ye kʼa xa xuʼ ri ukʼwäy taq bʼey yeyaʼö kisamaj ri yeqʼaxan ri peraj ri xa xuʼ ukʼwäy taq bʼey o toʼonelaʼ yeqʼaxan rchë.

RI NUKʼWAN BʼEY CHPAN RI MOLOJ QAKʼASLEMAL CHQÄ QASAMAJ

24. Ronojel semanas, jun ukʼwäy bʼey xtkʼwan bʼey chpan ri moloj Qakʼaslemal chqä Qasamaj (chpan congregaciones ri akuchï ma ye kʼïy ta ukʼwäy taq bʼey ye kʼo, ütz yeksäx toʼonelaʼ). Yë re qachʼalal reʼ xtbʼin ri naʼäy chqä ri rukʼisbʼäl taq tzij. Ryä kʼo chë nukʼwaj bʼey chpan ri moloj, y si ma ye kʼïy ta ukʼwäy taq bʼey ye kʼo, rkʼë jbʼaʼ xtkʼatzin xkeruqʼaxaj jojun chik peraj, y más ri peraj ri akuchï xa xuʼ nkʼatzin nkʼut jun video. Ryä kʼo chë ma kan ta kʼïy tzij yeruʼij taq nkʼis jun asignación. Ri ukʼwäy taq bʼey xkechaʼö achkë qachʼalal ütz xkeksäx rchë xtkikʼwaj bʼey chpan ri moloj. Ri xkechaʼöx xtkijäl kiʼ rchë xtkiʼän ri samaj riʼ. Rkʼë jbʼaʼ, ri nyaʼö kisamaj jontir qachʼalal chpan ri moloj Qakʼaslemal chqä Qasamaj xtkʼatzin más kʼïy mul xtkʼwaj bʼey chpan ri moloj chkiwäch ri nkʼaj chik ukʼwäy taq bʼey. We jun ukʼwäy bʼey nchaʼöx rchë nukʼwaj bʼey chpan ri «Tjonïk chrij le Biblia pa congregación», rkʼë jbʼaʼ ütz chqä nksäx rchë nukʼwaj bʼey chpan ri moloj. Tapeʼ ke riʼ, ri nchaʼöx rchë nuʼän ri samaj riʼ, kʼo chë retaman nuʼij chkë qachʼalal chë ütz xkiʼän che rä kisamaj y, taq nkʼatzin, kʼo chë retaman kan pa rubʼeyal nuyaʼ kinaʼoj. Chqä pa ruqʼaʼ ryä kʼo wä rchë ri moloj nkʼis a tiempo (tatzʼetaʼ ri peraj 17 chqä 19). We nüm ri plataforma chqä we re qachʼalal reʼ nrajoʼ, ütz nuksaj jun chik micrófono rkʼë pedestal rchë nuyaʼ rubʼixik ri asignaciones loman ri qachʼalal yeqʼax chrij ri atril. Ütz chqä nyaʼöx jun mesa y jun chʼakät pa plataforma rchë nuksaj re qachʼalal reʼ taq xtqʼaxäx ri peraj «Ruskʼixik ruwäch wuj» chqä ri asignaciones chpan ri peraj «Kan pa rubʼeyal keqatjoj ri winäq».

RI NYAʼÖ NAʼOJ

25. We ütz nuʼän, ütz nchaʼöx jun ukʼwäy bʼey ri kan ütz nuʼän chkë rutzijonem rchë nuʼän re samaj reʼ. Taq xtkʼatzin, re qachʼalal reʼ xtyaʼ kinaʼoj ri ukʼwäy taq bʼey chqä ri toʼonelaʼ ri nyaʼöx kisamaj chpan ri moloj Qakʼaslemal chqä Qasamaj, ri yeyaʼö tzijonem, ri yeqʼaxan ri tjonïk chrij ri wuj Ri Chajinel o ri «Tjonïk chrij le Biblia pa congregación», o ri yeskʼin ruwäch qawuj chpan qamoloj (tatzʼetaʼ ri peraj 19). We ye kʼïy ukʼwäy taq bʼey ye kʼo ri kan jaʼäl nkiʼän che rä kitzijonem chqä kitaman yekikʼüt ri naʼoj ye kʼo chpan le Biblia, ütz nkijalalaʼ kiʼ chubʼanik re samaj reʼ ronojel junaʼ. Re qachʼalal reʼ ma nkʼatzin ta ronojel mul nuyaʼ kinaʼoj ri qachʼalal taq nkiqʼaxaj jun kasignación.

SALA B

26. We kan ye kʼïy qachʼalal ye kʼo rchë yeqʼax chpan ri peraj «Kan pa rubʼeyal keqatjoj ri winäq», ri congregación ütz nuʼän jun sala B. Chpan ri sala riʼ xtjeʼ jun qachʼalal ri xtyaʼ kinaʼoj ri xkeqʼax chriʼ, más ütz we kan yë jun ukʼwäy bʼey xtbʼanö ri samaj riʼ. We ma ye kʼïy ta ukʼwäy taq bʼey ye kʼo, ütz chqä yeksäx toʼonelaʼ. Ri ukʼwäy taq bʼey xkechaʼö achkë xkebʼanö re samaj reʼ chqä we xtkijalalaʼ kiʼ chubʼanik riʼ. Ri xtyaʼö kinaʼoj ri qachʼalal chpan ri sala riʼ, kʼo chë nusmajij ri naʼoj kʼo chpan ri peraj 18. Ri qachʼalal ri kʼo kasignación chpan ri sala B, xtbʼix chkë chë ütz yebʼä chpan ri sala riʼ taq xtkʼis ri peraj «Keqakanuj bʼeyomäl chpan le Biblia» ri kʼo chpan ri peraj «Ri bʼeyomäl yeqïl chpan le Biblia». Ryeʼ xketzolin chik jmul kikʼë ri nkʼaj chik taq xtkʼis ri peraj «Kan pa rubʼeyal keqatjoj ri winäq».

VIDEOS

27. Chpan ri moloj ri nbʼan chukojöl qʼij xkekʼut jojun videos ri xkeyaʼöx chpan ri aplicación JW Library^®.

S-38-CQ 11/23