Ronojel mul kixchʼobʼon chrij jontir reʼ

¿Achoq chkij? Filipenses 4:8 nuʼij chë qchʼobʼon chkij jontir reʼ: ri kantzij, ri chöj, ri chʼajchʼöj, ri utziläj taq naʼoj, ri nuʼän chë nqakʼüt ajowabʼäl, ri pa rubʼeyal yebʼan che rä ronojel, ri ma nukʼän ta pä qayoqʼbʼal chqä ri ma nuqasaj ta qaqʼij. Ye kʼa, reʼ ma nrajoʼ ta nuʼij chë kan xa xuʼ chik chrij ri naʼoj ri ye kʼo chpan le Biblia nqchʼobʼon wä, reʼ xa nrajoʼ nuʼij chë qchʼobʼon chrij ri yeqä chwäch Jehová y ma chkij ta ri achkë jun ri xa nkiʼän chqë chë nqayaʼ qa ryä (Sl 19:14).

Rma xa yoj ajmakiʼ y xa yë Satanás najin nqʼatö tzij pa ruwiʼ le Ruwachʼulew, kʼo mul, kʼayewal nuʼän chqawäch yeqesaj pa qajolon ri itzel taq chʼobʼonïk (2Co 4:4). Kʼïy chkë ri yeʼel pa televisión, pa radio, pa Internet o chkiwäch wuj, xa nkiqʼäj rutzij Jehová, rma xa yë Satanás nsmajin kichë. Reʼ nukʼüt chë nkʼatzin nqatzʼët achkë najin yeqayaʼ pa qajolon, rma ya riʼ xtsmajin ri qachʼobʼonïk chqä xtjäl ri qanaʼoj (Snt 1:14, 15).

TAQ XATZʼËT YÄN RI VIDEO TQACHAJIJ QIʼ CHWÄCH RI XA NUʼÄN CHQË CHË NQAYAʼ QA JEHOVÁ: RI ITZEL TAQ KʼASTANEN, KEʼAQʼALAJSAJ RE KʼUTUNÏK REʼ:

• 

  ¿Achkë wä najin nutzʼët ri qachʼalal pa ru-teléfono, y achkë xuʼän riʼ che rä?

• 

  ¿Achkë rubʼanik xtoʼ ri nuʼij Gálatas 6:7 chqä 8 y Salmo 119:37?