¿Achkë nqatamaj chkij ri bʼix?

¿Achkë bʼix más nqä chawäch rït ri ye alenäq chpan JW Broadcasting^®? ¿Achkë rma yeqä chawäch? ¿Naʼij rït chë ri videos kichë ri bʼix kan nkikʼüt ri rubʼanik kʼaslemal qakʼwan komä? Tapeʼ jalajöj taq bʼix ye kʼo, kʼo na wä jun ri más nqä chqawäch. Ri bʼix y ri videos kichë ri bʼix, tapeʼ nkiyaʼ qakʼastanen, ye kʼa kʼo chqä nkikʼüt qa chqawäch.

Jontir ri bʼix yekiyaʼ naʼoj ri yekʼatzin pa qakʼaslemal chqä taq nqatzjoj le Biblia. Ye kʼo bʼix nkiʼij chë keqakʼuluʼ apü ri qachʼalal pa qachoch, junan tbʼanaʼ qawäch, keqachaʼ utziläj taq achbʼilanïk, ma tqaxiʼij ta qiʼ, tqakʼutuʼ ajowabʼäl chqä tqakowirsaj ri qakʼuqbʼäl kʼuʼx. Jojun chik nkiʼij chë qtzolin chik rkʼë Jehová, keqakyuʼ ri qachʼalal, ma tqaqʼäj ta rutzij Jehová chqä tqakanuj más rubʼanik rchë nqayaʼ ruqʼij. Y kʼo jun bʼix ri nuʼij chë pa rubʼeyal tqaksaj ri teléfono. ¿Achkë naʼoj kiyaʼon qa ri bʼix chawäch rït?

TAQ XATZʼËT YÄN RI VIDEO RCHË RI BʼIX KAN NAQAJ CHIK KʼO PÄ, KEʼAQʼALAJSAJ RE KʼUTUNÏK REʼ:

• ¿Achoq chrij najin yechʼobʼon wä ri jun kʼlaj qachʼalal ri ye riʼj chik? (Gé 12:3).

• ¿Achkë ütz nqaʼän rchë nqakʼuqbʼaʼ más qakʼuʼx chë Jehová xtuʼän jontir ri rubʼin pä?

• ¿Achkë ri xa jbʼaʼ chik nrajoʼ rchë yeqatzʼët?

• ¿Achkë rubʼanik nqrtoʼ ri rutzujun pä Dios rchë yeqaköchʼ ri kʼayewal yeqïl komä? (Ro 8:25).