Kuw qpaʼeʼ rma xa naqaj chik kʼo pä ri qʼij rchë xtchup ruwäch ri itzelal

¿ACHKË RMA KʼO REJQALEN? Xa jbʼaʼ chik apü, xkebʼanatäj nmaʼq taq kʼayewal ri nkʼatzin chë röj nqakʼüt chë ma nqaxiʼij ta qiʼ chqä chë qakʼuqbʼan qakʼuʼx chrij Jehová. Ri nimaläj tijöj poqonal xtchapatäj taq xtchup kiwäch jontir ri religiones ri ma pa rubʼeyal ta nkiyaʼ ruqʼij Dios (Mt 24:21; Ap 17:16, 17). Chkipan ri qʼij riʼ, rkʼë jbʼaʼ kan kuw ri rutzjol xtqayaʼ chkë ri winäq (Ap 16:21). Rma riʼ, Gog aj Magog xtkatäj pä chqij (Eze 38:10-12, 14-16). Ya riʼ taq Jehová, ri Dios ri kʼo ronojel uchqʼaʼ pa ruqʼaʼ, xtkʼäm pä ri nimaläj ruchʼaʼoj pä ruwiʼ (Ap 16:14, 16). We kuw nqapabʼaʼ qiʼ chkiwäch ri kʼayewal komä, ya riʼ xtqtoʼö rchë ma xtqaxiʼij ta qiʼ chkiwäch ri xkebʼanatäj chqawäch apü.

¿ACHKË RUBʼANIK NAʼÄN CHE RÄ?

• Taq ma nqaxiʼij ta qiʼ nqasmajij ri naʼoj yeruyaʼon Jehová chrij ri rubʼanik kʼaslemal ri kʼo chë nqakʼwaj (Is 5:20).

• Taq junan nqayaʼ ruqʼij Jehová kikʼë ri qachʼalal (Heb 10:24, 25).

• Taq chanin nqasmajij ri naʼoj ri yeruyaʼ pä ri rutinamit Jehová (Heb 13:17).

• Taq nqchʼobʼon chrij ri rubʼanik xköl Jehová ri rutinamit ojer (2Pe 2:9).

• Taq nqchʼö rkʼë Jehová chqä nqakʼuqbʼaʼ qakʼuʼx chrij (Sl 112:7, 8).

TAQ XATZʼËT YÄN RI VIDEO JANINA NKʼATZIN CHË MA NQAXIʼIJ TA QIʼ CHKIWÄCH RI XKEBʼANATÄJ CHQAWÄCH APÜ (KOʼÖL PERAJ), KEʼAQʼALAJSAJ RE KʼUTUNÏK REʼ:

• 

  Taq kʼo xjalatäj chpan ki-congregación, ¿achkë rubʼanik xkikʼüt ri qachʼalal chë xenman tzij?

• 

  ¿Achkë rubʼanik nqakʼüt chë ma nqaxiʼij ta qiʼ taq nqanmaj tzij?

• 

  ¿Achkë rma xtkʼatzin chë ma xtqaxiʼij ta qiʼ taq xtchapatäj ri Armagedón?

• 

  ¿Achkë tzijonem ri kʼo chpan le Biblia nukʼuqbʼaʼ qakʼuʼx chë Jehová nkowin nqrköl? (2Cr 20:1-24).