Tqachajij qiʼ rchë ma nqesaj ta rutzjol ri ma tzij ta

Pa qaqʼij komä, pa millón chë winäq chaq bʼaʼ nkitamaj jun noticia rma kʼo ri prensa, ri radio, ri televisión chqä ri Internet. Röj, ri nqayaʼ ruqʼij ri Dios ri ma ntzʼukü ta tzij, ma nqajoʼ ta nqesaj rutzjol ri ma tzij ta, yajün taq ma chbʼanik ta nqaʼän riʼ (Sl 31:5; Éx 23:1). Ri yeqatzjoj chkë ri nkʼaj chik rkʼë jbʼaʼ kʼo kʼïy kʼayewal xtkʼäm pä. Rma riʼ, rchë nqatamaj we kantzij ri najin nbʼix, tqakʼutuj qa reʼ chqawäch:

• ¿Ütz komä nqakʼuqbʼaʼ qakʼuʼx chrij ri winäq ri xtzjoj ya riʼ? Ri winäq ri kʼo jun xtzjoj chqë rkʼë jbʼaʼ ma retaman ta ronojel ri xbʼanatäj. Chqä ri nutzjoj jun winäq che rä jun chik kʼo tzij yejalatäj qa chpan. Rma riʼ, tachajij awiʼ we ma ataman ta akuchï xel wä pä ri najin nkitzjoj chawä. Ri qachʼalal ri yaʼon jun samaj pa kiqʼaʼ chpan ri congregación, najowatäj chkij chë ronojel mul nkiʼij ri kantzij. Rma riʼ, ryeʼ kʼo chë nkitäj kiqʼij rchë ma nkiʼij ta jun tzij ri ma kan ta kitaman we tzij o manä.

• ¿Xtqasaj komä ruqʼij jun chik winäq? We ke riʼ, ma tqakamluj ta rubʼixik (Pr 18:8; Flp 4:8).

• ¿Kantzij komä ri najin ntzjöx? Tachajij awiʼ taq nakʼoxaj chë achiʼel ta kan nqʼax ruwiʼ tzij ri najin nkitzjoj ri winäq chawä.

TAQ XATZʼËT YÄN RI VIDEO ¿ACHKË YATOʼÖ RCHË MA NAʼÄN TA MOLOLEN TAQ TZIJ?, KEʼAQʼALAJSAJ RE KʼUTUNÏK REʼ:

• 

  Achiʼel nuʼij Proverbios 12:18, ¿jaruʼ kʼayewal rkʼë jbʼaʼ nukʼäm pä ri yeqaʼij?

• 

  ¿Achkë rubʼanik nqrtoʼ Filipenses 2:4 rchë nqaquʼ na naʼäy ri yeqaʼij chkij ri nkʼaj chik?

• 

  ¿Achkë kʼo ta chë nqaʼän taq jun winäq yeruʼij tzij ri xa nkiqasaj kiqʼij ri nkʼaj chik o ntzjon itzel chkij?

• 

  Taq ya nqtzjon chkij ri nkʼaj chik, ¿achkë kʼutunïk ütz yeqaʼän qa chqawäch?