¿Yakowin rït nayaʼ a-tiempo chqä awchqʼaʼ?

Achiʼel xuʼij ri profeta Isaías, ri rutinamit Jehová kowan najin nkʼiyär (Is 54:2). Rma riʼ, nkʼatzin yeyak más jay akuchï nqamöl wä qiʼ, jay akuchï yebʼan wä ri qanimamoloj chqä jojun jay chkipan ri sucursales. Taq nkʼis kiyakik ri jay riʼ, nkʼatzin yechʼajchʼobʼëx, y taq yeqʼax ri junaʼ ye kʼo jojun nkʼatzin nbʼan kibʼanik. Rma kʼo chë nbʼan jontir ri samaj riʼ, röj nqkowin nqayaʼ ri qachqʼaʼ chqä ri qa-tiempo che rä Jehová. Jojun tzʼetbʼäl:

• Ütz nqtoʼon kikʼë ri qachiʼil yeyaʼon rchë nqachʼajchʼobʼej ri qa-salón.

• Ütz nqbʼä chkipan ri moloj yeruʼän ri rutinamit Jehová rchë nqatamaj achkë rubʼanik nqachʼajchʼobʼej chqä nqaʼän rubʼanik ri jay akuchï nqamöl wä qiʼ.

• Ütz nqanujsaj ri Solicitud de voluntario local de diseño y construcción (DC-50) rchë nqtoʼon taq yeyak, yechʼajchʼobʼëx o nbʼan kibʼanik ri jay ri yeʼuksäx rma rutinamit Jehová.

• Ütz nqanujsaj ri Solicitud para el programa de voluntarios (A-19) rchë nqtoʼon jun semana o más pa Betel o chkipan nkʼaj chik jay ri yeʼuksäx rma ri qa-sucursal.

TAQ XATZʼËT YÄN RI VIDEO NYAK JUN KʼAKʼAKʼ JAY (KOʼÖL PERAJ), KEʼAQʼALAJSAJ RE KʼUTUNÏK REʼ:

• Kan chpan pä ri junaʼ 2014, ¿achkë rubʼanik yeruksan pä más ri videos ri rutinamit Jehová?

• Rchë yeqaʼän ri videos ri yekʼatzin chqë, ¿achkë jay ruchʼobʼon nuʼän ri rutinamit Jehová chqä ajän xtkʼïs ruyakik?

• ¿Achkë rubʼanik yekowin yetoʼon ri qachʼalal chyakik ri jay riʼ?

• We nqajoʼ nqbʼetoʼon chyakik ri jay ri xtbʼan Rámapo, ¿achkë rma nkʼatzin nqanujsaj ri solicitud DC-50 y nqtoʼon rkʼë ri LDC?

• ¿Achkë rubʼanik nqʼalajin chë Jehová najin nukʼwaj bʼey chpan re jun chʼobʼoj reʼ?

• We röj ma ütz ta xtuʼän chqawäch xtqtoʼon chyakik ri jay riʼ, ¿achkë rubʼanik ütz nqtoʼon?