RI QAKʼASLEMAL RÖJ RI CRISTIANOS
Qʼopojiʼ kʼojolaʼ, ¿yë komä Jehová iwachiʼil ri más junan rubʼanon iwäch rkʼë?
¿Achkë naʼoj nawajoʼ yejeʼ rkʼë jun awachiʼil? Rkʼë jbʼaʼ nawajoʼ chë ütz runaʼoj, chë nspan chqä chë majun bʼëy yaturyaʼ qa. ¡Jehová kan ke riʼ runaʼoj! (Éx 34:6; Hch 14:17). Ryä nuyaʼ ruxkïn chawä taq yachʼö qʼanäj rkʼë chqä yaturtoʼ pä taq nkʼatzin atoʼik (Sl 18:19, 35). Y yaturküy taq yasach chwäch (1Jn 1:9). ¡Kantzij na wä chë Jehová kan jun utziläj achiʼil!
¿Achkë nkʼatzin naʼän rchë yatok rachiʼil? Tatamaj ruwäch. Xkakowin xtaʼän riʼ we xtaskʼij ruwäch le Biblia chqä xtakʼuqbʼaʼ akʼuʼx chrij (Sl 62:8; 142:2). Takʼutuʼ chwäch chë chawäch rït kan kʼo rejqalen jontir ri kʼo rejqalen chwäch ryä, achiʼel ri Rukʼajol, ri Ruqʼatbʼäl Tzij chqä ri rutzjun chqë chqawäch apü. Tatzjoj chkë ri nkʼaj chik chrij Jehová (Dt 32:3). We xkatok jun utziläj rachiʼil, Jehová majun bʼëy xkaturyaʼ ta qa (Sl 73:25, 26, 28).
TAQ XATZʼËT YÄN RI VIDEO QʼOPOJIʼ KʼOJOLAʼ: «TITZʼETAʼ CHË JEHOVÁ KAN ÜTZ RUNAʼOJ», KEʼAQʼALAJSAJ RE KʼUTUNÏK REʼ:
¿Achkë nkʼatzin naʼän rchë najäch awiʼ pa ruqʼaʼ Jehová chqä yaqasäx pa yaʼ?
¿Achkë rubʼanik yatkitoʼ ri qachʼalal pa congregación rchë xkakowin xtayaʼ más ruqʼij Jehová?
¿Achkë rma ri yatel chutzjoxik le Biblia nuʼän chë ri awachbʼilanïk rkʼë Jehová más nkowïr?
Rït xkakowin xkatok rachiʼil Jehová xtbʼä qʼij xtbʼä säq.
¿Achkë samaj kʼo chpan rutinamit Jehová ri xkakowin xtaʼän?
¿Achkë naʼoj ri kʼo rkʼë Jehová más nqä chawäch?