Jun campaña rchë xtqatzjoj ri Ruqʼatbʼäl Tzij Dios

Jesús xtzjoj chkë ri winäq ri utziläj taq rutzjol chrij ri Ruqʼatbʼäl Tzij Dios chqä xkʼüt chkiwäch ri rubʼanik nkikʼutuj ri Qʼatbʼäl Tzij riʼ (Lu 4:43; Mt 6:9, 10). Chpan ri ikʼ noviembre, xtqayaʼ más qan chrij ri rutzjoxik Ruqʼatbʼäl Tzij Dios (Mt 24:14). Rma riʼ, kan komä tqatzʼetaʼ achkë rubʼanik nqajäm más qawäch rchë nqaʼän jontir ri xtqkowin chpan ri campaña riʼ. Ri precursores auxiliares rchë ri ikʼ riʼ xkekowin xtkiʼän 30 o 50 horas.

Chpan ri campaña, taskʼij jun texto ri ntzjon chrij ri Ruqʼatbʼäl Tzij Dios chkiwäch xa bʼa jaruʼ winäq yakowin. Taq xtachʼöbʼ achkë texto xtaskʼij, taquʼ chqä rij achkë nkinmaj ri winäq chpan ri a-territorio. Tayaʼ qa ri wuj La Atalaya (rchë nyaʼöx chkë ri winäq) núm. 2, 2020, che rä ri winäq ri xtyaʼ ruxkïn chawä. Kan katzolin yän chuchʼbʼexik ri winäq riʼ chqä takanuj rubʼanik rchë nachäp jun tjonïk rkʼë. Rchë riʼ, taksaj jun chkë ri qa-publicaciones ye kʼo chpan ri samajbʼäl rchë nyaʼöx tjonïk. Xa jbʼaʼ chik apü, ri Ruqʼatbʼäl Tzij Dios xtchüp kiwäch jontir ri qʼatbʼäl taq tzij (Da 2:44; 1Co 15:24, 25). Rma riʼ, tqabʼanaʼ jontir ri kʼo pa qaqʼaʼ rchë nqakʼüt chwäch Jehová chë yë ri Ruqʼatbʼäl Tzij ryä nqajoʼ.