Tichajij iwiʼ chpan ikʼlajil

Chwäch Jehová, kan kowan rejqalen ri tzij nkiʼij chkiwäch kaʼiʼ winäq taq yekʼleʼ, y ryä nuʼij chë ri kʼlan taq winäq ma kʼo ta chë nkijäch kiʼ (Mt 19:5, 6). Chpan ri rutinamit Jehová, ye kʼo kʼïy qachʼalal kinaʼon kiʼkʼuxlal pa kikʼlajil. Tapeʼ ke riʼ, majun ta jun ri ma ta nrïl kʼayewal chpan ri rukʼlajil, rma jontir xa nqsach. Ye kʼa, majun bʼey tqachʼobʼoʼ ta chë xtqasöl jontir ri kʼayewal pa qakʼlajil we xtqajäch qiʼ rkʼë ri qakʼlaj. ¿Achkë ütz nkiʼän ri cristianos rchë nkichajij kiʼ pa kikʼlajil?

Tqatzʼetaʼ cinco naʼoj.

1. Tichajij iwan. Rïx ixoqiʼ, ma tiyaʼ ta qʼij chë jun chik achï yixurnäq y rïx achiʼaʼ, ma tiyaʼ ta qʼij chë jun chik ixöq nutzüj riʼ chiwäch. Chqä ma kixkʼastan ta chkij tzʼil taq bʼanobʼäl. Jontir riʼ xa xtkʼäm pä chʼaʼoj pan ikʼlajil (Mt 5:28; 2Pe 2:14).

2. Tikowirsaj ri iwachbʼilanïk rkʼë Jehová y titjaʼ iqʼij rchë chë ri rubʼanik nikʼwaj iwiʼ pan ikʼlajil xtqä chwäch Dios (Sl 97:10).

3. Ronojel mul tikʼutuʼ utziläj taq naʼoj, chqä tikʼutuʼ chwäch ri ikʼlaj —rkʼë jun spanïk o xa bʼa achkë na chik jun ri xtiʼän— che kowan niwajoʼ. We xtiʼän riʼ, ryä kan kiʼ rukʼuʼx xtuʼän (Col 3:8-10, 12-14).

4. Chaq taqïl kixtzjon chiwäch y ma tiqasaj ta iqʼij (Col 4:6).

5. Tikʼutuʼ ajowabʼäl chiwäch taq yixjeʼ junan (1Co 7:3, 4; 10:24).

Taq ri cristianos nkiyaʼ ruqʼij ri kikʼlanen, najin chqä nkiyaʼ ruqʼij Jehová, ri xbʼanö rchë.

TAQ XATZʼËT YÄN RI VIDEO TQAKʼAQAʼ ANIN RKʼË KOCHʼONÏK: TQASMAJIJ RI NAʼOJ YEYAʼON CHQË, KEʼAQʼALAJSAJ RE KʼUTUNÏK REʼ:

• 

  Taq yekʼleʼ kaʼiʼ winäq rkʼë jbʼaʼ majun ta chʼaʼoj chkiwäch, ye kʼa ¿achkë kʼayewal rkʼë jbʼaʼ xkekïl?

• 

  ¿Achkë rubʼanik yerutoʼ ri naʼoj ye kʼo chpan le Biblia ri winäq ri ma kiʼ ta kikʼuʼx pa kikʼlajil?

• 

  ¿Achkë nuʼij Jehová chë kʼo chë nkiʼän ri kʼlan taq winäq?

• ¿Achkë kʼo chë nuʼän ri achijilonel chqä ri ixjayilonel rchë nkinaʼ kiʼkʼuxlal pa kikʼlajil?