Q-OK UTZILÄJ TAQ TIJONELAʼ | TANAʼ MÁS KIʼKʼUXLAL TAQ NATZJOJ LE BIBLIA
Kan pa rubʼeyal keʼabʼanaʼ kʼutunïk
Jehová, «ri Dios ri kʼo kiʼkʼuxlal rkʼë», nrajoʼ chë nqanaʼ kiʼkʼuxlal taq nqatzjoj le Biblia (1Ti 1:11). We más ütz rubʼanik nqatzjoj le Biblia más kiʼ qakʼuʼx xtqaʼän. Ri kʼutunïk rkʼë jbʼaʼ nkiʼän chë ri winäq nkajoʼ yojkikʼoxaj, rma ya riʼ jun rubʼanik rchë nqachäp qatzij kikʼë. Ri kʼutunïk chqä nkiʼän chë ryeʼ yechʼobʼon chrij ri najin nqatzjoj (Mt 22:41-45). We yeqaʼän apü kʼutunïk chkë ri winäq y nqayaʼ qaxkïn che rä ri nkiʼij pä, nqakʼüt chkiwäch chë kantzij kʼo kiqʼij chqawäch (Snt 1:19). Ri nkiʼij pä ri winäq chrij jun kʼutunïk ri xqaʼän chkë nqrtoʼ rchë nqatamaj achkë xtqaʼij apü.
TAQ XATZʼËT YÄN RI VIDEO RI KIʼKʼUXLAL NQANAʼ RMA YEQATJOJ RI WINÄQ CHRIJ LE BIBLIA. MÁS ÜTZ RUBʼANIK TQABʼANAʼ CHE RÄ QASAMAJ: KAN PA RUBʼEYAL KEQABʼANAʼ KʼUTUNÏK, KEʼAQʼALAJSAJ RE KʼUTUNÏK REʼ:
¿Achkë utziläj taq naʼoj ye kʼo wä rkʼë ya Rubí?
¿Achkë xuʼän ya Rita rchë xkʼüt chë kantzij nrajoʼ wä nutoʼ ya Rubí?
¿Achkë kʼutunïk xuʼän ya Rita che rä ya Rubí rchë xtzjoj ri utziläj taq rutzjol che rä?
¿Achkë kʼutunïk xuʼän ya Rita ri xuʼän chë ya Rubí xchʼobʼon chrij ri xkiskʼij ruwäch?