Ri Rupixaʼ Moisés xkʼüt chë Jehová yerajoʼ ri chköp

Taq jun chköp nkʼatzin wä rutoʼik, kʼo wä chë ntoʼöx (Dt 22:4; it-1-S 428 peraj 2).

Jun winäq kʼo wä chë ma ntzʼlaʼ ta jun ajxikʼ chköp ri ye kʼo wä taq ral (Dt 22:6, 7; it-1-S 673 peraj 1).

Jun winäq kʼo wä chë ma junan ta yeruyaʼ kaʼiʼ chköp ri ma junan ta kipalen chqä kichqʼaʼ rchë nkiʼän samaj pa rulew (Dt 22:10; w03-S 15/10 32 peraj 1, 2).

Jehová nutzʼët pä achkë qanaʼoj nqaʼän kikʼë taq chköp. Rma riʼ, kʼo chë ma yeqatzʼlaʼ ta nixta yeqakamsaj xa rma atzʼanen (Pr 12:10).