RI QAKʼASLEMAL RÖJ RI CRISTIANOS
Naʼoj ri yetoʼon rchë kan ütz ntel apü ri moloj ri yebʼan taq nqatzjoj le Biblia
Ri moloj nbʼan taq nq-el chutzjoxik le Biblia, achiʼel chqä ri nkʼaj chik qamoloj, kan jun nimaläj spanïk nuyaʼ Jehová chqë. Chriʼ nqatamaj achkë rubʼanik nqakʼüt chë yojajowan chqä chë yeqaʼän utziläj taq bʼanobʼäl (Heb 10:24, 25). Re moloj reʼ kʼo chë nyalöj 5 a 7 minutos. Chpan ri tiempo riʼ xtyaʼöx kichiʼil ri qachʼalal, xtbʼix achkë territorio xtbʼan chqä xtbʼan ri chʼonïk. We re moloj reʼ nbʼan taq kʼa riʼ nkʼis qa jun moloj, kʼo chë más na chik jbʼaʼ tiempo nbʼan che rä. Ri xtesan ri grupo kʼo chë yeruyaʼ naʼoj ri xkerutoʼ ri qachʼalal ri xkeʼel ri qʼij riʼ. Jun tzʼetbʼäl. Ri sábados, taq yeʼel ye kʼïy qachʼalal ri ma ye alenäq ta chkojöl qʼij, rkʼë jbʼaʼ ütz ntzʼet achkë ütz nkiʼij chkë ri winäq. ¿Achkë chik nkʼaj naʼoj ütz yeksäx?
Ri tzʼetbʼäl chrij ri rubʼanik nqatzjoj le Biblia ri petenäq chpan ri Wuj rchë ri qamoloj Qakʼaslemal chqä Qasamaj röj ri Cristianos.
Ri rubʼanik nqaksaj jun noticia rchë nqachäp tzij rkʼë jun winäq.
Ri achkë ütz nqaʼij taq ri winäq nkikanuj achkë nkiʼij rchë ma yojkikʼoxaj ta.
Ri achkë ütz nqaʼij che rä jun winäq ri ma nunmaj ta chë kʼo Dios, ri nunmaj chë ri kʼaslemal xa ruyonïl xtzʼuktäj pä, ri ntzjon jun chik chʼaʼäl o ri kʼo chpan jun religión ri ma tamatäl ta ruwäch pa territorio.
Ri rubʼanik nqaksaj ri sitio jw.org, ri aplicación JW Library® o le Biblia.
Ri rubʼanik nqaksaj jun publicación ri kʼo chpan ri samajbʼäl rchë nyaʼöx tjonïk.
Ri rubʼanik nqatzjoj le Biblia pa teléfono, chkipan cartas, ri akuchï yeqʼax wä ye kʼïy winäq, o achkë ütz nqaʼän taq nqtzolin chuchʼbʼexik jun winäq o taq nqayaʼ rutjonik.
Ri rubʼanik nqachajij qiʼ pa territorio, ri naʼoj nqä chkiwäch nkikʼoxaj ri winäq, ri ütz qanaʼoj nqaʼän kikʼë, ri xtqtoʼö rchë ma xtikʼo ta qakʼuʼx chbʼanik ri qasamaj o nkʼaj chik naʼoj achiʼel reʼ.
Jun naʼoj o jun video ri kʼo chpan ri qawuj Pa rubʼeyal tqaskʼij ruwäch wuj y q-ok utziläj taq tijonelaʼ.
Ri rubʼanik nqakʼuqbʼaʼ rukʼuʼx chqä nqatoʼ ri qachiʼil yaʼon äl.
Jun texto ri ntzjon chrij ri samaj nqaʼän chrij rutzjoxik le Biblia o jun experiencia chrij riʼ.