¿Achkë ütz nkiʼän ri qachʼalal ixoqiʼ rchë yetoʼon más?

Ri qachʼalal ixoqiʼ kan kʼïy samaj nkiʼän chpan rutinamit Dios (Sl 68:11). Ryeʼ kan kʼïy tjonïk chrij le Biblia nkiyaʼ, y kïy chkë ryeʼ ye precursores regulares. Kan pa mil chkë ri qachʼalal ixoqiʼ ye betelitas, ye misioneras, yetoʼon chkiyakik jay rchë nyaʼöx ruqʼij Dios chkipan o nkiqʼaxaj qawuj chkipan nkʼaj chik chʼaʼäl. Y ri qachʼalal ixoqiʼ ri kʼuqül kikʼuʼx chpan ri ruchʼaʼäl Dios kan kowan yetoʼon chpan ki-familia chqä chpan ri congregación (Pr 14:1). Tapeʼ ri qachʼalal ixoqiʼ ma yeʼok ta ukʼwäy taq bʼey o toʼonelaʼ, ryeʼ ütz nkiʼän nkʼaj chik samaj chpan rutinamit Jehová. Rma riʼ, rïx qachʼalal ixoqiʼ, ¿achkë nkʼaj chik ütz niʼän chpan rutinamit Dios?

• Ütz nitäj iqʼij rchë yewachin utziläj taq naʼoj iwkʼë (1Ti 3:11; 1Pe 3:3-6).

• Ütz yeʼitoʼ ri qachʼalal ixoqiʼ ri majajün ta na más kinaʼoj chiwäch rïx (Tit 2:3-5).

• Ütz niyaʼ chiwäch nitzjoj más le Biblia chqä más ütz rubʼanik niʼän che rä.

• Ütz nitamaj jun chik chʼaʼäl.

• Ütz yixbʼä chpan jun tinamït ri akuchï yekʼatzin wä más publicadores.

• Ütz ninujsaj iwuj rchë yixbʼesamäj pa Betel o chkiyakik jay rchë nyaʼöx ruqʼij Dios chkipan.

• Ütz ninujsaj iwuj rchë yixbʼä pa Tijobʼäl rchë yetjöx ri nkitzjoj ri Ruqʼatbʼäl Tzij Dios.

TAQ XATZʼËT YÄN RI VIDEO IXOQIʼ RI KOWAN NAJIN YESAMÄJ CHPAN RUTINAMIT DIOS, KEʼAQʼALAJSAJ RE KʼUTUNÏK REʼ:

• ¿Achkë rubʼanik yaturtoʼ rït ri xkiʼän re qachʼalal ixoqiʼ reʼ?