Taksaj jw.org rchë nawïl utziläj taq naʼoj

Chpan Ruchʼaʼäl Dios nqïl ri naʼoj yekʼatzin chqë chkipan re rukʼisbʼäl taq qʼij reʼ (2Ti 3:1, 16, 17). Ye kʼa, kʼo mul nkʼatzin jojun naʼoj chqë ri xkojkitoʼ chwäch jun kʼayewal, achiʼel reʼ: ¿nkʼatzin atoʼik rchë yeʼakʼiytisaj awalkʼwal? ¿Kowan najin natäj poqän rma xkäm akʼlaj? We rït yït jun kʼajol o jun qʼopoj, ¿najin yachaqtiʼïx rchë ma nanmaj ta rutzij Jehová? Chpan jw.org yeqïl tzijonem ri yetzjon chrij reʼ chqä chkij nkʼaj chik kʼayewal. Ri naʼoj chpan le Biblia yeʼelesan wä pä (Pr 2:3-6).

Chpan ri página de inicio rchë jw.org takanuj ri peraj «Ri nukʼüt le Biblia» y katok chpan ri nawajoʼ naskʼij ruwäch (achbʼäl 1). O takanuj ri peraj «Publicaciones», chrij riʼ «Ri kʼo pa jw.org» y katok chpan ri nawajoʼ naskʼij ruwäch (achbʼäl 2). Ya reʼ chqä xtawïl chpan JW Library^®.a ¿Achkë rma ma natzʼët ta ri tzijonem ye kʼo chriʼ? Jun chik ri ütz naʼän ya riʼ naksaj «Takanuj» (ri lupa kʼo pa jw.org) rchë nakanuj jun naʼoj.

Tatzʼibʼaj reʼ chpan ri peraj «Takanuj» y tatzʼibʼaj ri tzijonem ri nawajoʼ naskʼij ruwäch:

• Kiʼ akʼuʼx pan akʼlajil

• Qʼopojiʼ kʼojolaʼ

• Taq kowan nchʼpü akʼuʼx