TheCrimsonMonkey/E+ via Getty Images
Le Rwachʼlew xa najin nchaʼ chiʼ | ¿Achkë xtuʼän ri Rqʼatbʼäl Tzij Dios?
«Rma chwäch le Rwachʼlew kowan kʼatän o kowan tiw najin nuʼän, reʼ kan kʼïy kʼayewal najin nukʼäm pä pa kiwiʼ ri winäq chqä pa rwiʼ xa bʼa achkë ri kʼo rkʼaslemal. Ri qʼeqäl taq jöbʼ —ri ronojel mul más kichqʼaʼ kʼo— najin nkiʼän chë ye kʼïy winäq ri ye kʼo chwäch jontir le Rwachʼlew nchaʼ chiʼ kachoch chqä chë majun ta chik rbʼanik nkïl ri nkʼatzin chkë. Chuxeʼ mar kan kowan kʼatän najin nuʼän, rma riʼ kʼïy chkë ri ye kʼo chriʼ rkʼë jbʼaʼ ma xkekʼaseʼ ta» (Inger Andersen, jun chkë ri ukʼwayon bʼey chpan ri Naciones Unidas chqä ukʼwayon bʼey chpan ri Programa de las Naciones Unidas para el Medio Ambiente, 25 de julio, 2023).
¿Xtkitün komä kiʼ ri qʼatbʼäl taq tzij rchë xtkikanuj rbʼanik rchë xtkisöl re kʼayewal reʼ ri kan kʼïy ma ütz ta rkʼamon pä pa rwiʼ le Rwachʼlew? ¿Xkekowin komä xtkiköl le Rwachʼlew?
Le Biblia nuʼij chë kʼo jun qʼatbʼäl tzij ri ma xa xuʼ ta nrajoʼ yersöl re kʼayewal reʼ, xa kan nkowin nuʼän riʼ. Chriʼ nuʼij chë «ri Dios ri kʼo chkaj, xtyaʼ jun rqʼatbʼäl tzij» ri xtqʼät tzij pa rwiʼ jontir le Rwachʼlew (Daniel 2:44). Chuxeʼ re qʼatbʼäl tzij reʼ, ri winäq ma xtkitzʼlaʼ ta kiʼ chkiwäch nixta xtkitzʼlaʼ le Rwachʼlew (Isaías 11:9).