¿Achkë rma majun ta jun nkowin nesan ri chʼaʼoj? | ¿Achkë nuʼij le Biblia chrij riʼ?

Tapeʼ ye kʼïy qʼatöy taq tzij chqä nmaʼq taq organizaciones nkajoʼ nkesaj ri chʼaʼoj, ma yekowin ta. Komä yoj kʼo chpan jun tiempo ri kowan chʼaʼoj kʼo, kan xa xuʼ pa Segunda Guerra Mundial tzʼeton qa riʼ. Jun 2,000 millones winäq ye kʼo chkipan tinamït ri akuchï najin chʼaʼoj.

¿Achkë rma ri winäq ma yekowin ta nkesaj ri chʼaʼoj? ¿Achkë nuʼij le Biblia chrij riʼ?

Oxiʼ rma chë ri winäq ma yekowin ta nkesaj ri chʼaʼoj

1. Le Biblia nuʼij chë pa qaqʼij komä «ri winäq xa xuʼ ryeʼ xtkajoʼ qa kiʼ; xa xuʼ päq xtkajoʼ, xtkinaʼ kiʼ, xtkinmirsaj kiʼ, […] kaʼiʼ kipaläj, [...] xa xuʼ ryeʼ xtkajoʼ xtnmäx kitzij, [...] ma xtkiqʼïl ta kiʼ, ma xtjeʼ ta joyowanïk kikʼë, [...] ye tïx». Kimä re naʼoj reʼ, ri winäq ma naläx ta pa kan chë junan nuʼän kiwäch (2 Timoteo 3:2-4).
2. Ri winäq, pa kiyonïl o pa molaj, ma yekowin ta nkisöl ri kʼayewal we ma nyaʼöx ta pa kitoʼik rma Jehováa, ri bʼanayon kichë. Le Biblia nuʼij chë jun winäq «ma yaʼon ta pa ruqʼaʼ rchë nukʼwaj rubʼey» (Jeremías 10:23).
3. Le Ruwachʼlew kʼo pa ruqʼaʼ Satanás el Diablo, jun itzel qʼatöy tzij ri kan kowan ruchqʼaʼ. Ryä «najin yeruqʼöl jontir winäq». Chwäch le Ruwachʼlew ma xtkʼis ta chʼaʼoj we kʼa yë na re Itzel Winäq reʼ xtqʼatö tzij pa ruwiʼ (Apocalipsis 12:9; 1 Juan 5:19).

¿Achkë xtkowin xtesan ri chʼaʼoj?

Le Biblia nuʼij chë ri winäq ma xkekowin ta xtkesaj ri chʼaʼoj, xa xuʼ Dios xtkowin xtbʼanö riʼ.

Chqä nwajoʼ nyaʼ jun utziläj ikʼaslemal chqä chë kʼo ütz niyoʼej apü›» (Jeremías 29:11).

¿Achkë rubʼanik xtuʼän Dios ya riʼ? Le Biblia nuʼij: «Xa jbʼaʼ chik apü, ri Dios ri nesan chʼaʼoj, [...] xtpalbʼej Satanás” (Romanos 16:20). Rchë xttel ri chʼaʼoj chwäch le Ruwachʼlew, Dios xtksaj jun qʼatbʼäl tzij ri kʼo chlaʼ chkaj. Le Biblia nuʼij chë ya riʼ «Ruqʼatbʼäl Tzij Dios», y ri xtqʼatö tzij kan yë Jesucristo (Lucas 4:43). Taq Jesús xtqʼät tzij pa ruwiʼ le Ruwachʼlew, ri winäq ma xtkiʼän ta chik chʼaʼoj chkiwäch (Isaías 9:6, 7).

We nawajoʼ natamaj más, taskʼij ruwäch ri artículo «¿Qué cosas logrará el Reino de Dios?».

a Jehová ya riʼ rubʼiʼ Dios (Salmo 83:18).