¿Achoq chrij ütz nqakʼuqbʼaʼ wä qakʼuʼx? | ¿Achkë nuʼij le Biblia chrij riʼ?

Ri winäq kan itzel nunaʼ kan taq nkitzʼët chë achoq chkij kikʼuqbʼan wä kikʼuʼx majun ütz ta nkiʼän, achiʼel:

• Políticos ri xa xuʼ ryeʼ nkiquʼ qa kiʼ y ma nkiquʼ ta kij ri winäq.

• Noticias ri xa nyaʼöx kiwiʼ o jbʼaʼ tzij jbʼaʼ ma tzij ta nkiʼij.

• Científicos ri ma nkiʼän ta ri más nkʼatzin chkë ri winäq.

• Ukʼwäy taq bʼey pa taq religiones ri más bʼenäq kan chrij ri política chwäch nkikʼwaj rbʼiʼ Dios.

Y ri winäq kan kʼo rma nkitzʼët na achoq chrij nkikʼuqbʼaʼ wä kikʼuʼx. Le Biblia nuʼij reʼ:

• «Ma tikʼuqbʼaʼ ta ikʼuʼx chkij ri qʼatöy taq tzij nixta chrij jun chik winäq, rma ryeʼ ma yekowin ta yixkiköl» (Salmo 146:3).

Kʼo jun ri ütz nqakʼuqbʼaʼ qakʼuʼx chrij

Le Biblia nuʼij chë kʼo jun ri achoq chrij ütz nakʼuqbʼaʼ wä akʼuʼx: Jesucristo. Ryä ma xa xuʼ ta xok jun ütz achï ri xjeʼ ojer. Le Biblia nuʼij reʼ chrij: «Ryä ronojel mul xtqʼät tzij [...]. Ri Rqʼatbʼäl Tzij majun bʼëy xtkʼis ta» (Lucas 1:32, 33). Achiʼel nqatzʼët, Dios xuʼän chë Jesús xok Qʼatöy Tzij chpan Rqʼatbʼäl Tzij. Y komä najin chik nuqʼät tzij chlaʼ chkaj (Mateo 6:10).

• Rchë natzʼët achkë rma ütz nakʼuqbʼaʼ akʼuʼx chrij Jesús, taskʼij kiwäch re artículos reʼ: «¿Quién es el Rey del Reino de Dios?» y «¿Qué hará el Reino de Dios?».