NAʼOJ 1

Ütz tabʼanaʼ che rä kiksaxik ri naʼäy taq tzij

Hechos 17:22

RI NTEL CHË TZIJ: Ri naʼäy taq tzij naʼij apü kʼo ta chë nuʼän chë ri winäq kan nkiyoʼej apü ri natzjoj chkë, naʼij apü achoq chrij yatzjon wä y nakʼüt achkë rma nkʼatzin nkitamaj chrij ri xtaʼij apü.

RI RUBʼANIK NASMAJIJ

Takanuj rubʼanik rchë kan nyoʼëx apü ri naʼij. Tachaʼ jun kʼutunïk, jun experiencia, jun noticia o xa bʼa achkë chik na jun ri natzʼët rït chë kan nqä chkiwäch ri winäq.

Taquʼ apü achkë qäs nqä chkiwäch ri winäq o achkë kʼayewal kʼo chkiwäch. Chrij riʼ, keʼaksaj ri naʼoj riʼ chpan ri naʼäy taq tzij ri naʼij apü.
Taʼij apü achoq chrij yatzjon wä. Tatzʼetaʼ chë ri naʼäy taq tzij xtaksaj xtuʼij achoq chrij xkatzjon wä y achkë rma yatzjon chrij riʼ.
Takʼutuʼ achkë rma nkʼatzin ntamäx chrij riʼ. Katzjon chrij ri natzʼët rït chë kan nkʼatzin chkë ri winäq, kʼo chë nqʼalajin chkiwäch chë ri natzjoj chkë kʼo utzil nukʼäm pä pa kiwiʼ.

Taq najin natjoj awiʼ chrij jun tzijonem, takʼutuj qa reʼ chawäch: «¿Achkë kʼayewal najin nkiqʼaxaj ri ye kʼo pa nu-congregación?». Y taq xqʼalajin yän chawäch riʼ, taksaj chpan ri naʼäy taq tzij che rä atzijonem.