NA’OJ 8

Keʼaksaj tzʼetbʼäl rchë yeʼatjoj ri winäq

Mateo 13:34, 35

RI NTEL CHË TZIJ: Yeʼaksaj tzʼetbʼäl o ilustraciones ri ma kʼayewal ta yeqʼax. Riʼ nuʼän chë taq yeʼatjoj ri winäq kan nbʼä kan chrij ri nakʼüt chkiwäch y nqʼax pa kijolon ri naʼoj ri kan kʼo kejqalen.

RI RUBʼANIK NASMAJIJ

Keʼachaʼ tzʼetbʼäl ri ma kʼayewal ta yeqʼax. Takʼamaʼ anaʼoj chrij Jesús. Rchë yeʼaqʼalajsaj naʼoj ri kan kʼayewal yeqʼax, keʼaksaj achkë jun ri kan yeʼuksäx ronojel qʼij chqä kan tamatäl kiwäch. Ma keʼaksaj ta tzij ri xa nuʼän chë ri tzʼetbʼäl ma yeqʼax ta. Rchë ma nasüqʼ ta chkiwäch ri yekʼoxan awchë, tatzʼetaʼ we ri tzʼetbʼäl nuqʼalajsaj ri naʼoj nawajoʼ nakʼüt.

Rchë yeʼawïl utziläj taq tzʼetbʼäl, keʼatzʼetaʼ achkë ye kʼo ri akuchï yït kʼo wä, keʼanukʼuj ri qa-publicaciones chqä takʼamaʼ anaʼoj chkij ri utziläj taq tijonelaʼ. Keʼatzʼibʼaj ri tzʼetbʼäl ri nawajoʼ yeʼaksaj rchë yatok jun utziläj tijonel, y ütz kikʼolik tabʼanaʼ rchë yeʼaksaj taq xkekʼatzin chawä.
Kachʼobʼon chkij ri yekʼoxan awchë. Keʼachaʼ tzʼetbʼäl ri rukʼwan riʼ rkʼë ri yekiʼän ri yekʼoxan awchë o rukʼwan riʼ rkʼë ri nkajoʼ nkikʼoxaj, ye kʼa ma keʼaksaj ta tzʼetbʼäl ri xa yerusök o xa yerukʼixbʼisaj ri winäq.
Taqʼalajsaj ri naʼoj ri kʼo más rejqalen. Xa xuʼ keʼaksaj tzʼetbʼäl rchë yeʼaqʼalajsaj naʼoj ri kʼo más kejqalen. Tatzʼetaʼ chë ri yekʼoxan awchë nkanaj qa pa kijolon ri naʼoj ri nawajoʼ nakʼüt qa chkiwäch y ma xa xuʼ ta ri tzʼetbʼäl ri xatzjoj chkë.