NA’OJ 12

Ütz anaʼoj tabʼanaʼ y tanaʼ ri nkinaʼ ri winäq

1 Tesalonicenses 2:7, 8

RI NTEL CHË TZIJ: Nakʼüt chë yeʼawajoʼ ri winäq chqä chë kantzij nawajoʼ nayaʼ kitoʼik.

Kachʼobʼon chkij ri yekʼoxan awchë. Taq xtatjoj awiʼ, kachʼobʼon chkij ri kʼayewal najin yekiqʼaxaj ri winäq chqä chrij ri nkinaʼ.
Ütz ütz keʼachaʼ ri tzij xkeʼaksaj. Tatjaʼ aqʼij rchë nakʼuqbʼaʼ kikʼuʼx ri yekʼoxan awchë. Ma taksaj ta tzij ri xa nuqasaj kiqʼij ri winäq. Chqä ma katzjon ta itzel chkij ri winäq ri ma nkiyaʼ ta ruqʼij Jehová chqä chrij ri nkinmaj.
Takʼutuʼ chë kantzij nawajoʼ yeʼatoʼ ri winäq. Ütz naʼän riʼ taq nakʼüt rkʼë ri awachbʼäl ri nanaʼ chqä taq jaʼäl rubʼanik yatzjon kikʼë ri winäq. Taquʼ achkë utzil nukʼäm pä pa kiwiʼ ri winäq ri nakʼüt rkʼë ri awachbʼäl ri nanaʼ. Chqä kan tzeʼël katzuʼun.

Tatjaʼ aqʼij rchë kan pa awan ntel pä ri naʼij chkë ri winäq chqä ri anaʼoj naʼän kikʼë. Taq kʼo jun xtaskʼij ruwäch, tabʼanaʼ che rä ruskʼixik chë achiʼel ta kan najin yebʼanatäj ri nuʼij chpan. Ye kʼa, ma tqʼax ruwiʼ ri rubʼanik naʼän che rä ruskʼixik, ke riʼ ma yë ta rït xtkiyaʼ más aqʼij. We nayaʼ más kichqʼaʼ ri vocales taq yeʼaskʼij, más ütz xtkʼaxatäj achʼaʼäl. Ye kʼa, we xa ri consonantes xtayaʼ más kichqʼaʼ, xa ma ütz ta xtqʼajan.